ΕΚΔΟΣΙΣ ΙΕΡΑΣ ΜΟΝΗΣ ΑΓΙΩΝ
ΝΗΠΙΩΝ ΔΕΡΒΕΝΟΧΩΡΙΩΝ
Ὁ ἱερεύς·
Εὐλογητὸς
ὁ Θεὸς ἡμῶν, πάντοτε· νῦν καὶ ἀεὶ καὶ εἰς τοὺς αἰῶνας τῶν αἰώνων.
Ὁ ἀναγνώστης· Ἀμήν.
Ψαλμὸς ρμβ´ (142).
Κύριε, εἰσάκουσον
τῆς προσευχῆς μου, ἐνώτισαι τὴν δέησίν μου ἐν τῇ ἀληθείᾳ σου, εἰσάκουσόν
μου ἐν τῇ δικαιοσύνῃ σου. Καὶ μὴ εἰσέλθῃς εἰς κρίσιν μετὰ τοῦ δούλου
σου, ὅτι οὐ δικαιωθήσεται ἐνώπιόν σου πᾶς ζῶν. Ὅτι κατεδίωξεν ὁ ἐχθρὸς
τὴν ψυχήν μου· ἐταπείνωσεν εἰς γῆν τὴν ζωήν μου. Ἐκάθισέ με ἐν σκοτεινοῖς
ὡς νεκροὺς αἰῶνος, καὶ ἠκηδίασεν ἐπ᾿ ἐμὲ τὸ πνεῦμά μου, ἐν ἐμοὶ ἐταράχθη
ἡ καρδία μου. Ἐμνήσθην ἡμερῶν ἀρχαίων, ἐμελέτησα ἐν πᾶσι τοῖς ἔργοις
σου, ἐν ποιήμασι τῶν χειρῶν σου ἐμελέτων. Διεπέτασα πρὸς σὲ τὰς χεῖράς
μου· ἡ ψυχή μου ὡς γῆ ἄνυδρός σοι. Ταχὺ εἰσάκουσόν μου, Κύριε, ἐξέλιπε
τὸ πνεῦμά μου. Μὴ ἀποστρέψῃς τὸ πρόσωπόν σου ἀπ᾿ ἐμοῦ, καὶ ὁμοιωθήσομαι
τοῖς καταβαίνουσιν εἰς λάκκον. Ἀκουστὸν ποίησόν μοι τὸ πρωῒ τὸ ἔλεός
σου, ὅτι ἐπὶ σοὶ ἤλπισα. Γνώρισόν μοι, Κύριε, ὁδὸν ἐν ᾗ πορεύσομαι,
ὅτι πρὸς σὲ ἦρα τὴν ψυχήν μου. Ἐξελοῦ με ἐκ τῶν ἐχθρῶν μου, Κύριε, πρὸς
σὲ κατέφυγον· δίδαξόν με τοῦ ποιεῖν τὸ θέλημά σου, ὅτι σὺ εἶ ὁ Θεός
μου. Τὸ Πνεῦμά σου τὸ ἀγαθὸν ὁδηγήσει με ἐν γῇ εὐθείᾳ· ἕνεκεν τοῦ ὀνόματός
σου, Κύριε, ζήσεις με. Ἐν τῇ δικαιοσύνῃ σου ἐξάξεις ἐκ θλίψεως τὴν
ψυχήν μου· καὶ ἐν τῷ ἐλέει σου ἐξολοθρεύσεις τοὺς ἐχθρούς μου· καὶ ἀπολεῖς
πάντας τοὺς θλίβοντας τὴν ψυχήν μου, ὅτι ἐγώ δοῦλός σού εἰμι.
Καὶ εὐθὺς τὸ Θεὸς Κύριος, μετὰ τῶν
στίχων αὐτοῦ
ἐξ ἑκατέρων τῶν χορῶν. Ἦχος δ´. Ψαλμὸς ριζ´ (117).
Θεὸς
Κύριος, καὶ ἐπέφανεν ἡμῖν, εὐλογημένος ὁ ἐρχόμενος ἐν ὀνόματι Κυρίου. (Ψαλμ. ριζ´ 27,26)
Στίχ. α´.
Ἐξομολογεῖσθε τῷ Κυρίῳ, ὅτι ἀγαθός, ὅτι εἰς τὸν αἰῶνα τὸ ἔλεος αὐτοῦ. (Ψαλμ. ριζ´ 1)
Θεὸς
Κύριος, καὶ ἐπέφανεν ἡμῖν, εὐλογημένος ὁ ἐρχόμενος ἐν ὀνόματι Κυρίου.
Στίχ. β´.
Πάντα τὰ ἔθνη ἐκύκλωσάν με, καὶ τῷ ὀνόματι Κυρίου ἠμυνάμην αὐτούς. (Ψαλμ. ριζ´ 10)
Θεὸς
Κύριος, καὶ ἐπέφανεν ἡμῖν, εὐλογημένος ὁ ἐρχόμενος ἐν ὀνόματι Κυρίου.
Στίχ. γ´.
Παρὰ Κυρίου ἐγένετο αὕτη, καί ἐστι θαυμαστὴ ἐν ὀφθαλμοῖς ἡμῶν. (Ψαλμ. ριζ´ 10)
Θεὸς
Κύριος, καὶ ἐπέφανεν ἡμῖν, εὐλογημένος ὁ ἐρχόμενος ἐν ὀνόματι Κυρίου.
Ἦχος δ΄. Ὁ ὑψωθεὶς ἐν τῷ Σταυρῷ.
Ταῖς τῶν ἁγίων σοῦ Νηπίων
πρεσβείαις, τῶν ὡς θυσίαν λογικὴν προσαχθέντων, τῷ ἐκ Παρθένου τόκῳ σου
φιλάνθρωπε, λύτρωσαι τοὺς δούλους σοῦ, πολυτρόπων κινδύνων, δίδου δὲ Σωτὴρ
ἡμῶν, ὀφλημάτων τὴν λύσιν, καὶ βασιλείας τῆς τῶν οὐρανῶν, ἡμᾶς ἀξίωσον, Δεσπότα
Κύριε.
Θεοτόκιον.
Οὐ σιωπήσωμέν ποτε, Θεοτόκε, τάς δυναστείας σου λαλεῖν οἱ ἀνάξιοι. Εἰ μὴ γὰρ σύ προΐστασο πρεσβεύουσα, τὶς ἡμὰς ἐρρύσατο ἐκ τοσούτων κινδύνων, τὶς δὲ διεφύλαξεν ἕως νῦν ἐλευθέρους; Οὐκ ἀποστῶμεν, Δέσποινα, ἐκ σοῦ˙ σοῦς γὰρ
δούλους σῴζεις ἀεὶ ἐκ παντοίων δεινῶν.
Ψαλμὸς
ν´ (50).
Ἐλέησόν
με, ὁ Θεός, κατὰ τὸ μέγα ἔλεός σου, καὶ κατὰ τὸ πλῆθος τῶν οἰκτιρμῶν
σου ἐξάλειψον τὸ ἀνόμημά μου. Ἐπὶ πλεῖον πλῦνόν με ἀπὸ τῆς ἀνομίας
μου καὶ ἀπὸ τῆς ἁμαρτίας μου καθάρισόν με. Ὅτι τὴν ἀνομίαν μου ἐγὼ
γινώσκω, καὶ ἡ ἁμαρτία μου ἐνώπιόν μού ἐστι διαπαντός. Σοὶ μόνῳ ἥμαρτον,
καὶ τὸ πονηρὸν ἐνώπιόν σου ἐποίησα. Ὅπως ἂν δικαιωθῇς ἐν τοῖς λόγοις
σου, καὶ νικήσῃς ἐν τῷ κρίνεσθαί σε. Ἰδοὺ γὰρ ἐν ἀνομίαις συνελήφθην,
καὶ ἐν ἁμαρτίαις ἐκίσσησέ με ἡ μήτηρ μου. Ἰδοὺ γὰρ ἀλήθειαν ἠγάπησας·
τὰ ἄδηλα καὶ τὰ κρύφια τῆς σοφίας σου ἐδήλωσάς μοι. Ῥαντιεῖς με ὑσσώπῳ,
καὶ καθαρισθήσομαι· πλυνεῖς με, καὶ ὑπὲρ χιόνα λευκανθήσομαι. Ἀκουτιεῖς
μοι ἀγαλλίασιν καὶ εὐφροσύνην· ἀγαλλιάσονται ὀστέα τεταπεινωμένα.
Ἀπόστρεψον τὸ πρόσωπόν σου ἀπὸ τῶν ἁμαρτιῶν μου, καὶ πάσας τὰς ἀνομίας
μου ἐξάλειψον. Καρδίαν καθαρὰν κτίσον ἐν ἐμοί, ὁ Θεός, καὶ πνεῦμα εὐθὲς
ἐγκαίνισον ἐν τοῖς ἐγκάτοις μου. Μὴ ἀποῤῥίψῃς με ἀπὸ τοῦ προσώπου
σου, καὶ τὸ πνεῦμά σου τὸ Ἅγιον μὴ ἀντανέλῃς ἀπ᾿ ἐμοῦ. Ἀπόδος μοι τὴν
ἀγαλλίασιν τοῦ σωτηρίου σου, καὶ πνεύματι ἡγεμονικῷ στήριξόν με.
Διδάξω ἀνόμους τὰς ὁδούς σου, καὶ ἀσεβεῖς ἐπὶ σὲ ἐπιστρέψουσι. Ῥῦσαί
με ἐξ αἱμάτων, ὁ Θεός, ὁ Θεὸς τῆς σωτηρίας μου· ἀγαλλιάσεται ἡ γλῶσσά
μου τὴν δικαιοσύνην σου. Κύριε, τὰ χείλη μου ἀνοίξεις, καὶ τὸ στόμα
μου ἀναγγελεῖ τὴν αἴνεσίν σου. Ὅτι, εἰ ἠθέλησας θυσίαν, ἔδωκα ἄν·
ὁλοκαυτώματα οὐκ εὐδοκήσεις. Θυσία τῷ Θεῷ, πνεῦμα συντετριμμένον,
καρδίαν συντετριμμένην καὶ τεταπεινωμένην ὁ Θεὸς οὐκ ἐξουδενώσει.
Ἀγάθυνον, Κύριε, ἐν τῇ εὐδοκίᾳ σου τὴν Σιών, καὶ οἰκοδομηθήτω τὰ
τείχη Ἱερουσαλήμ. Τότε εὐδοκήσεις θυσίαν δικαιοσύνης, ἀναφορὰν
καὶ ὁλοκαυτώματα. Τότε ἀνοίσουσιν ἐπὶ τὸ θυσιαστήριόν σου μόσχους.
Καὶ ἀρχόμεθα τοῦ Κανόνος.
Ὠδὴ α΄. Ἦχος πλ. δ΄. Ὑγρὰν διοδεύσας.
Ἅγια Νήπια πρεσβεύσατε ὑπὲρ ἡμῶν.
Ἰσχῦϊ νευρούμενοι θεϊκή, οἱ
ἄκακοι Παῖδες, τοῦ Ἡρῴδου τὴν χαλεπήν, ᾔσχυναν κακίαν καὶ αἰτοῦνται, παρὰ
Κυρίου ἡμῖν θεῖον ἔλεος.
Δόξα Πατρὶ καὶ Υἱῷ καὶ Ἁγίῳ Πνεύματι.
Τὴν ἄκακον φύσιν τῶν νεογνῶν,
ἐδέξω Οἰκτιρμόν, ὥσπερ ἄμωμον προσφοράν, ἀδίκως σφαγέντων παρ΄Ἡρῴδου, δι΄ὧν
γενοῦ καὶ ἡμῖν Σῶτερ ἵλεως.
Καὶ νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν.
Ἁγία Παρθένε Μῆτερ Θεοῦ, Ἀγγέλων
ἡ δόξα, καὶ ἀνθρώπων καταφυγή, δίδου μετανοίας ἀφορμάς μοι, ἵνα ῥυσθῶ τῶν
παγίδων τοῦ ὄφεως.
Ὠδὴ γ΄. Οὐρανίας ἁψῖδος.
Ἅγια Νήπια πρεσβεύσατε ὑπὲρ ἡμῶν.
Ἱερώτατος δῆμος, νεοσφαγῆ θύματα,
οἷα νεομάρτυρες θεῖοι, σοὶ προσηνέχθησαν, Σῶτερ φιλάνθρωπε, ὧν ταῖς λιταῖς ἡμῖν
πᾶσι, δίδου τὰ ἐλέη σου, τοίς σοι λατρεύουσι.
Ἅγια Νήπια πρεσβεύσατε ὑπὲρ ἡμῶν.
Συντριβεὶς τῇ ἀπάτῃ, τοῦ
δυσμενοῦς δράκοντος, Νήπια ἁγνὰ καταφεύγω ὑμῶν τῇ χάριτι, ὡς ἂν ῥυσθῶ τῆς
φθορᾶς, ὑμῶν θερμαῖς ἱκεσίαις, πρὸς τὸν προσδεξάμενον, ὑμῶν τὰ αἵματα.
Δόξα Πατρί…
Νηπιόφρονα γνώμην, νοϊ σαθρῷ
ἔσχηκα, καὶ ἀπεμακρύνθην Κυρίου, πράττων τὰ ἄτοπα ? Νήπια ἄμωμα, δότε μοι
φρόνησιν θείαν, ὡς ἂν τῷ θελήματι, Θεοῦ πορεύσωμαι.
Καὶ νῦν καὶ ἀεί… Θεοτόκιον.
Ἡ Θεὸν τετοκυῖα, δίχα φθορὰς
Ἄχραντε, καὶ μετὰ τὸν ἄσπορον τόκον, παρθένος μείνασα, ῥυσαὶ μὲ Δέσποινα,
φθοροποιῶν νοημάτων, καὶ τὸν νοῦν μου πλήρωσον, θείας φρονήσεως.
Διάσωσον ταῖς τῶν ἀκάκων Νηπίων
λιταῖς Οἰκτιρμόν, τῆς κακίας τοῦ παλαιοῦ πολεμήτορος, τοὺς ἐκζητούντας, τὸ
ἄμετρον ἔλεός σου.
Ἐπιβλέψον ἐν εὐμενείᾳ, πανύμνητε
Θεοτόκε, ἐπὶ τὴν ἐμὴν χαλεπὴν τοῦ σώματος κάκωσιν, καὶ ἴασαι τῆς ψυχῆς μου τὸ
ἄλγος.
Εἶτα μνημονεύει ὁ ἱερεύς, δι᾿ οὓς ἡ παράκλησις γίνεται,
καὶ ἡμεῖς μεθ᾿ ἑκάστην αἴτησιν ψάλλομεν τὸ Κύριε,
ἐλέησον (γ´).
Ἐλέησον
ἡμᾶς ὁ Θεὸς κατὰ τὸ μέγα ἔλεός σου, δεόμεθά σου, ἐπάκουσον καὶ ἐλέησον.
Ἔτι δεόμεθα
ὑπὲρ τῶν εὐσεβῶν καὶ ὀρθοδόξων χριστιανῶν.
Ἔτι
δεόμεθα ὑπὲρ τοῦ Πατρὸς καὶ Πατριάρχου ἡμῶν (δεῖνος)
καὶ πάσης τῆς ἐν Χριστῷ ἡμῶν ἀδελφότητος.
Ἔτι δεόμεθα
ὑπὲρ ἐλέους, ζωῆς, εἰρήνης, ὑγείας, σωτηρίας, ἐπισκέψεως, συγχωρήσεως
καὶ ἀφέσεως τῶν ἁμαρτιῶν τῶν δούλων τοῦ Θεοῦ, πάντων τῶν εὐσεβῶν καὶ
ὀρθοδόξων χριστιανῶν, τῶν κατοικούντων καὶ παρεπιδημούντων ἐν τῇ (κώμῃ, πόλει, νήσῳ) ταύτῃ.
Ἔτι δεόμεθα
ὑπὲρ τῶν δούλων τοῦ Θεοῦ, (ὀνόματα).
Ὅτι ἐλεήμων
καὶ φιλάνθρωπος Θεὸς ὑπάρχεις, καὶ σοὶ τὴν δόξαν ἀναπέμπομεν, τῷ Πατρὶ
καὶ τῷ Υἱῷ καὶ τῷ Ἁγίῳ Πνεύματι, νῦν καὶ ἀεὶ καὶ εἰς τοὺς αἰῶνας τῶν αἰώνων.
Ὁ χορός·
Ἀμήν.
Κάθισμα.
Ἦχος β΄. Πρεσβεία θερμή.
Νηπίων πληθύς, ἁγίων πολυαριθμέ,
Χριστὸν τὸν Θεόν, τὸν ἐν ἐλέει πλούσιον, διὰ παντὸς πρεσβεύετε, διδόναι ἡμῖν
παθῶν λύτρωσιν, καὶ βασιλείας τῆς τῶν οὐρανῶν, τυχεῖν τοὺς ὑμᾶς θερμὼς
γεραίροντας.
Ὠδὴ δ΄. Εἰσακήκοα Κύριε.
Ἅγια Νήπια πρεσβεύσατε ὑπὲρ ἡμῶν.
Πληθὺς θεία, προσήχθη σοί, τῶν
ἀπειροκάκων Νηπίων Κύριε, ὧν τὰ αἵματα δεξάμενος, καθαρὸν ἡμὰς πάσης μολύνσεως.
Ἅγια Νήπια πρεσβεύσατε ὑπὲρ ἡμῶν.
Ἰσχὺν θείαν λαμβάνομεν μέλποντες
ἐν πίστει ὑμῶν τὴν ἄθλησιν, ἡλικία νηπιάζουσα, ἢν ὑπὲρ Κυρίου ὑπεμείνατε.
Δόξα Πατρί…
Ὥσπερ ῥόδα νεόδρεπτα, Νήπια ἁγνὰ
ἡμῖν διαπνέετε, τὴν ὀσμὴν τῆς θείας χάριτος, δυσωδίαν πᾶσαν ἀπελαύνουσαν.
Καὶ νῦν καὶ ἀεί… Θεοτόκιον.
Νεκρωθέντα μὲ πάθεσιν, ἐγεῖρον
Παρθένε τῇ σὴ χρηστότητι, καὶ μετάνοιάν μοι δώρησαι, κἀν ἐν γηρᾷ Δέσποινα καὶ
σῶσον μέ.
Ὠδή ε΄. Φώτισον ἡμᾶς.
Ἅγια Νήπια πρεσβεύσατε ὑπὲρ ἡμῶν.
Σθένωσον ἡμῶν, τὴν διάνοιαν
Φιλάνθρωπε, τῶν ἁγίων σοῦ Νηπίων ταῖς λιταῖς, τῶν σφαγέντων παρ΄Ἡρῴδου τοῦ
παράφρονος.
Ἅγια Νήπια πρεσβεύσατε ὑπὲρ ἡμῶν.
Ὥσπερ προσφοραί, τῷ τεχθέντι οἵα
νήπιον, προσηνέχθητε ὢ Νήπια ἁγνά, ἐξαιτοῦνται ἡμῖν πᾶσι τὰ σωτήρια.
Δόξα Πατρί…
Τίμιος ὑμῶν, ἀληθῶς ὤφθη ὁ
θάνατος, ἐναντίον τοῦ Παντάνακτος Χριστοῦ, ἀπειρόκακε χορεία νηπιάζουσα.
Θεοτόκιον. Καὶ νῦν καὶ ἀεί…
Ηὔγασας ἡμῖν, φῶς ἀνέσπερον τῷ
τόκῳ σου, Θεοτόκε· διὸ σκέδασον καμού, τὴν ὁμίχλην τῶν παθῶν τῇ φωταυγεία σου.
Ὠδὴ ς΄. Τὴν δέησιν.
Ἅγια Νήπια πρεσβεύσατε ὑπὲρ ἡμῶν.
Ῥευμάτων, ὑμῶν αἱμάτων τοῖς
ῥείθροις, ἀπειρόκακοι καὶ ἅγιοι Παῖδες, ἥ του πανώλους Ἡρῴδου μανία,
κατεποντίσθη εἰς τέλος καὶ ὤφθησαν, τῇ Ἐκκλησίᾳ τοῦ Χριστοῦ, δροσισμὸς
ἀφθαρσίας καὶ χάριτος.
Ἅγια Νήπια πρεσβεύσατε ὑπὲρ ἡμῶν.
Μαρτύρων, ὡς συνημμένοι τοῖς
δήμοις, ἀπειρόκακοι καὶ ἅγιοι Παῖδες, διὰ παντὸς σὺν αὐτοῖς δυσωπεῖτε, ὑπὲρ
ἡμῶν τὸν φιλάνθρωπον Κύριον, ὡς ἂν πταισμάτων ἱλασμόν, καὶ παθὼν ἀπολύτρωσιν
εὕρωμεν.
Δόξα Πατρί…
Ἐν κόλποις, τοῦ Ἀβραὰμ αἰωνίως,
ἀγαλλόμενοι μακάριοι Παῖδες, καὶ φωτισμοῦ ἐντρυφῶντες ἀΰλου, ἐκ σκοτασμοὺ
παθημάτων λυτρώσασθε, τοὺς μακαρίζοντας ὑμᾶς, ὡς Κυρίου νεοθυτα θύματα.
Θεοτόκιον. Καὶ νῦν καὶ ἀεί…
Σωτηρά, καὶ λυτρωτὴν τετοκυΐα,
τῶν ἀνθρώπων Ἀειπάρθενε Κόρη, τὸν Ποιητὴν τῶν ἁπάντων καὶ κτίστην, τῆς
κακουργίας τοῦ ὄφεως ῥυσαὶ μέ, καὶ σῶσον μὲ ὡς συμπαθής, τῆς δεινῶς τυραν-νούσης
μὲ ἕξεως.
Διάσωσον ταῖς τῶν ἀκάκων Νηπίων
λιταῖς Οἰκτιρμόν, τῆς κακίας τοῦ παλαιοῦ πολεμήτο-ρος, τοὺς ἐκζητούντας τὸ
ἄμετρον ἔλεός σου.
Ἄχραντε ἡ διὰ λόγου τὸν Λόγον
ἀνερμηνεύτως ἐπ΄ἐσχάτων τῶν ἡμερῶν τεκούσα, δυσώπησον, ὡς ἔχουσα μητρικὴν
παρρησίαν.
Εἶτα μνημονεύει ὁ ἱερεύς, δι᾿ οὓς ἡ παράκλησις γίνεται,
καὶ ἡμεῖς μεθ᾿ ἑκάστην αἴτησιν ψάλλομεν τὸ Κύριε,
ἐλέησον (γ´).
Ἐλέησον
ἡμᾶς ὁ Θεὸς κατὰ τὸ μέγα ἔλεός σου, δεόμεθά σου, ἐπάκουσον καὶ ἐλέησον.
Ἔτι
δεόμεθα ὑπὲρ τῶν εὐσεβῶν καὶ ὀρθοδόξων χριστιανῶν.
Ἔτι
δεόμεθα ὑπὲρ τοῦ Πατρὸς καὶ Πατριάρχου ἡμῶν (δεῖνος)
καὶ πάσης τῆς ἐν Χριστῷ ἡμῶν ἀδελφότητος.
Ἔτι
δεόμεθα ὑπὲρ ἐλέους, ζωῆς, εἰρήνης, ὑγείας, σωτηρίας, ἐπισκέψεως,
συγχωρήσεως καὶ ἀφέσεως τῶν ἁμαρτιῶν τῶν δούλων τοῦ Θεοῦ, πάντων
τῶν εὐσεβῶν καὶ ὀρθοδόξων χριστιανῶν, τῶν κατοικούντων καὶ παρεπιδημούντων
ἐν τῇ (κώμῃ, πόλει, νήσῳ) ταύτῃ, τῶν προσκυνητῶν,
ἐπιτρόπων, συνδρομητῶν καὶ ἀφιερωτῶν τοῦ Παναγίου καὶ Ζωοδόχου
Τάφου καὶ τῆς ἁγίας Ἐκκλησίας (Μονῆς)
ταύτης.
Ἔτι
δεόμεθα ὑπὲρ τῶν δούλων τοῦ Θεοῦ, (ὀνόματα).
Ὅτι
ἐλεήμων καὶ φιλάνθρωπος Θεὸς ὑπάρχεις, καὶ σοὶ τὴν δόξαν ἀναπέμπομεν,
τῷ Πατρὶ καὶ τῷ Υἱῷ καὶ τῷ Ἁγίῳ Πνεύματι, νῦν καὶ ἀεὶ καὶ εἰς τοὺς αἰῶνας
τῶν αἰώνων.
Ὁ χορός·
Ἀμήν.
Κοντάκιον.
Ἦχος β΄. Ταῖς τῶν αἱμάτων σου.
Ὥσπερ νεοθυτοι ἄρνες ἐτύθητε, τῷ
ἐκ Παρθένου τεχθέντι νεάνιδες, κτανθέντες ἀδίκως μακάριοι, καὶ τοῖς Ἀγγέλοις ὡς
Παῖδες συνήφθητε, ἡμῖν τὸν Χριστὸν ἰλεούμενοι.
Προκείμενον.
Δικαίων
ψυχαὶ ἐν χειρὶ Θεοῦ καὶ οὐ μὴ ἅψηται αὐτῶν βάσανος.
Στιχ. :
Εὐφρανθήσονται δίκαιοι ἐν Κυρίῳ.
Εὐαγγέλιον ἐκ τοῦ κατὰ Ματθαῖον β΄13-23.
Ἀναχωρησάντων τῶν μάγων, ἰδοὺ
ἄγγελος Κυρίου φαίνεται κατ΄ὄναρ τῷ Ἰωσὴφ λέγων ˙ Ἐγερθεὶς παράλαβε τὸ παιδίον
καὶ τὴν μητέρα αὐτοῦ καὶ φεῦγε εἰς Αἴγυπτον, καὶ ἴσθι ἐκεῖ ἕως ἂν εἴπω σοὶ˙
μέλλει γὰρ Ἡρῴδης ζητεῖν τὸ παιδίον τοῦ ἀπολέσαι αὐτό. Ὁ δὲ ἐγερθεὶς παρέλαβε
τὸ παιδίον καὶ τὴν μητέρα αὐτοῦ νυκτὸς καὶ ἀνεχώρησεν εἰς Αἴγυπτον, καὶ ἢν ἐκεῖ
ἕως τῆς τελευτὴς Ἡρῴδου, ἵνα πληρωθῇ τὸ ῥηθὲν ὑπὸ τοῦ Κυρίου διὰ τοῦ προφήτου
λέγοντος. Ἐξ Αἰγύπτου ἐκάλεσα τὸν υἱόν μου. Τότε Ἡρῴδης ἰδὼν ὅτι ἐνεπαίχθη ὑπὸ
τῶν μάγων, ἐθυμώθη λίαν, καὶ ἀποστείλας ἄνειλε πάντας τοὺς παῖδας τοὺς ἐν
Βηθλεὲμ καὶ ἐν πᾶσι τοῖς ὁρίοις αὐτῆς ἀπὸ διετοῦς καὶ κατωτέρω, κατὰ τὸν χρόνον
ὂν ἠκρίβωσε παρὰ τῶν μάγων. Τότε ἐπληρώθη τὸ ῥηθὲν ὑπὸ Ἱερεμίου τοῦ προφήτου
λέγοντος* Φωνὴ ἐν Ῥαμᾷ ἠκούσθη, θρῆνος καὶ κλαυθμὸς καὶ ὀδυρμὸς πολύς* «Ῥαχὴλ
κλαίουσα τὰ τέκνα αὐτῆς, καὶ οὐκ ἤθελε παρακληθῆναι, ὅτι οὔκ εἰσιν.
Τελευτήσαντος δὲ τοῦ Ἡρῴδου ἰδοὺ ἄγγελος Κυρίου κατ΄ὄναρ φαίνεται τῷ Ἰωσὴφ ἐν
Αἰγύπτῳ λέγων * Ἐγερθεὶς παράλαβε τὸ παιδίον καὶ τὴν μητέρα αὐτοῦ καὶ πορεύου
εἰς γῆν Ἰσραὴλ· τεθνήκασι γὰρ οἱ ζητοῦντες τὴν ψυχὴν τοῦ παιδίου. Ὁ δὲ ἐγερθεὶς
παρέλαβε τὸ παιδίον καὶ τὴν μητέρα αὐτοῦ καὶ ἦλθεν εἰς γῆν Ἰσραήλ. Ἀκούσας δὲ
ὅτι Ἀρχέλαος βασιλεύει ἐπὶ τῆς Ἰουδαίας ἀντὶ Ἡρῴδου τοῦ πατρὸς αὐτοῦ, ἐφοβήθη
ἐκεῖ ἀπελθεῖν* χρηματισθεὶς δὲ κατ΄ὄναρ ἀνεχώρησεν εἰς τὰ μέρη τῆς Γαλιλαίας,
καὶ ἐλθὼν κατῴκησεν εἰς πόλιν λεγομένην Ναζαρέτ, ὅπως πληρωθῇ τὸ ῥηθὲν διὰ τῶν
προφητῶν ὅτι Ναζωραῖος κληθήσεται.
Δόξα
σοι, Κύριε, δόξα σοι.
Ἦχος β΄.
Δόξα.
Ταῖς τῶν σῶν Νηπίων πρεσβείαις,
Ἐλεῆμον, ἐξάλειψον τὰ πλήθη τῶν ἐμῶν ἐγκλημάτων.
Καὶ
νῦν.
Ταῖς τῆς Θεοτόκου πρεσβείαις,
Ἐλεῆμον, ἐξάλειψον τὰ πλήθη τῶν ἐμῶν ἐγκλημάτων.
Στιχ.: Ἐλέησον
μὲ ὁ Θεὸς κατὰ τὸ μέγα ἔλεός σου, καὶ κατὰ τὸ πλῆθος τῶν οἰκτιρμῶν σου
ἐξαλεῖψον τὸ ἀνόμημά μου.
Ἦχος πλ. β΄. Ὅλην ἀποθέμενοι.
Σφάγια ὡς ἄμωμα, τῷ ἐκ Παρθένου
τεχθέντι, ἀληθῶς προσήχθητε, τῶν Νηπίων ὅμιλος ὁ μακάριος, καὶ ζωῆς κρείττονος,
καὶ ὑπερκοσμίου, σὺν Ἀγγέλοις ἠξιώθητε, μεθ΄ὧν πρεσβεύσατε, τῷ παμβασιλεῖ καὶ
Θεῶ ἡμῶν, πταισμάτων δοῦναι ἄφεσιν, καὶ τῶν πειρασμῶν ἀπολύτρωσιν, τοῖς
ὑμνολογούσιν, τὴν ἄθλησιν ὑμῶν τὴν ἱεράν, δι΄ἧς Ἡρῴδου καθείλετε, μένος τὸ
ὀλέθριον.
Ὁ ἱερεύς·
Σῶσον ὁ Θεὸς τὸν λαόν σου, καὶ
εὐλόγησον τὴν κληρονομίαν σου· ἐπίσκεψαι τὸν κόσμον σου ἐν ἐλέει
καὶ οἰκτιρμοῖς· ὕψωσον κέρας Χριστιανῶν Ὀρθοδόξων, καὶ κατάπεμψον
ἐφ᾿ ἡμᾶς τὰ ἐλέη σου τὰ πλούσια, πρεσβείαις τῆς παναχράντου Δεσποίνης
ἡμῶν Θεοτόκου καὶ ἀειπαρθένου Μαρίας, δυνάμει τοῦ τιμίου καὶ ζωοποιοῦ
Σταυροῦ· τῇ χάριτι τοῦ παναγίου καὶ ζωοδόχου Τάφου· προστασίαις
τῶν τιμίων, ἐπουρανίων δυνάμεων Ἀσωμάτων· ἱκεσίαις τοῦ τιμίου,
ἐνδόξου, προφήτου, προδρόμου καὶ βαπτιστοῦ Ἰωάννου· τῶν ἁγίων ἐνδόξων
καὶ πανευφήμων Ἀποστόλων· τοῦ ἁγίου, ἐνδόξου καὶ πανευφήμου Ἀποστόλου
Ἰακώβου τοῦ Ἀδελφοθέου καὶ πρώτου Ἱεράρχου τῶν Ἱεροσολύμων· τῶν
ἐν ἁγίοις Πατέρων ἡμῶν μεγάλων Ἱεραρχῶν καὶ οἰκουμενικῶν διδασκάλων,
Βασιλείου τοῦ Μεγάλου, Γρηγορίου τοῦ Θεολόγου καὶ Ἰωάννου τοῦ Χρυσοστόμου,
Ἀθανασίου καὶ Κυρίλλου, Ἰωάννου τοῦ Ἐλεήμονος, πατριαρχῶν Ἀλεξανδρείας,
Νικολάου τοῦ ἐν Μύροις, Σπυρίδωνος ἐπισκόπου Τριμυθοῦντος, Νεκταρίου
Πενταπόλεως, τῶν θαυματουργῶν· τῶν ἁγίων ἐνδόξων μεγαλομαρτύρων
Γεωργίου τοῦ τροπαιοφόρου, Δημητρίου τοῦ μυροβλύτου, Θεοδώρου
τοῦ Τήρωνος, Θεοδώρου τοῦ Στρατηλάτου, Μηνᾶ τοῦ θαυματουργοῦ, καὶ ἱερομάρτυρος
Χαραλάμπους· τῶν ἁγίων ἐνδόξων καὶ καλλινίκων Μαρτύρων· τῶν ὁσίων
καὶ θεοφόρων Πατέρων ἡμῶν· (τοῦ Ἁγίου τοῦ Ναοῦ,
ἐφ᾿ ὅσον δὲν ἐμνημονεύθη ἐν τοῖς ἄνω)· τῶν ἁγίων ἐνδόξων θεοστέπτων
μεγάλων βασιλέων καὶ Ἰσαποστόλων Κωνσταντίνου καὶ Ἑλένης· τῶν ἁγίων
καὶ δικαίων θεοπατόρων Ἰωακεὶμ καὶ Ἄννης, (των
ΑΓΙΩΝ
ΝΗΠΙΩΝ ΤΩΝ ΑΝΑΙΡΕΘΕΝΤΩΝ ΥΠΟ ΗΡΩΔΟΥ ΕΝ ΒΗΘΛΕΕΜ ΤΗΣ ΙΟΥΔΑΙΑΣ) καὶ πάντων σου τῶν ἁγίων· ἱκετεύομέν σε,
μόνε πολυέλεε Κύριε, ἐπάκουσον ἡμῶν τῶν ἁμαρτωλῶν δεομένων σου
καὶ ἐλέησον ἡμᾶς.
Οἱ χοροὶ ἐναλλὰξ τό· Κύριε, ἐλέησον, τετράκις
ἀνὰ τρίς.
Ὁ ἱερεύς·
Ἐλέει καὶ οἰκτιρμοῖς, καὶ φιλανθρωπίᾳ
τοῦ μονογενοῦς σου Υἱοῦ, μεθ᾿ οὗ εὐλογητὸς εἶ, σὺν τῷ παναγίῳ καὶ ἀγαθῷ
καὶ ζωοποιῷ σου Πνεύματι, νῦν καὶ ἀεὶ καὶ εἰς τοὺς αἰῶνας τῶν αἰώνων.
Ὁ χορός·
Ἀμήν.
Εἶτα, ἀποπληροῦμεν τὰς λοιπὰς ᾠδὰς τοῦ Κανόνος.
Ὠδὴ ζ΄. Οἱ ἐκ τῆς Ἰουδαίας.
Ἅγια Νήπια πρεσβεύσατε ὑπὲρ ἡμῶν.
Ὥσπερ θὴρ ὁ Ἡρῴδης, ἐφορμήσας
τοὺς Παῖδας πικρὼς ἐθέρισεν, ἀλλ΄οὔτοι ἐν τοῖς κόλποις τοῦ Ἀβραὰμ σκιρτῶσι, καὶ
χορεύουσι ψάλλοντες* Ὁ τῶν πατέρων ἡμῶν, Θεὸς εὐλογητὸς εἰ.
Δόξα Πατρί…
Ὁ μακάριος δῆμος, ὁ τῶν ἁγίων
Νηπίων πικρὼς σφαττόμενος, συνήφθη τοῖς Ἀγγέλοις, καὶ ἱλασμὸν αἰτεῖται, τοῖς
βοῶσιν ἑκάστοτε* Ὁ τῶν πατέρων ἡμῶν, Θεὸς εὐλογητὸς εἰ.
Θεοτόκιον. Καὶ νῦν καὶ ἀεί…
Νεκρωθεὶς τῇ κακίᾳ, ἁμαρτίας τῇ
κλίνῃ ἤδη κατάκειμαι* ἀλλ΄ὢ Θεογεννῆτορ, ὡς τὴν ζωὴν τεκούσα, ἑξανάστησον
ψάλλοντα* ὁ τῶν Πατέρων ἡμῶν, Θεὸς εὐλογητὸς εἰ.
Ὠδὴ η΄. Τὸν Βασιλέα.
Ἅγια Νήπια πρεσβεύσατε ὑπὲρ ἡμῶν.
Ἐν τοῖς ὑψίστοις, ὢ ἀπειρόκακοι
Παῖδες, ἀγαλλόμενοι ἀεὶ σὺν τοῖς Ἁγίοις, ἅπασιν αἰτεῖσθε, ἡμῖν πταισμάτων
λύσιν.
Δόξα Πατρί…
Ῥείθροις αἱμάτων, τήν του Ἡρῴδου
μανίαν, ἀπεπνίξατε Νηπίων ἡ χορεία, ἡμᾶς δὲ τῇ θείᾳ, εὐφραίνετε νῦν δρόσῳ.
Θεοτόκιον. Καὶ νῦν καὶ ἀεί…
Ἁγνὴ Παρθένε, τὴν ἄναγνόν μου
καρδίαν, ἀποκαθαρὸν ἐλέους σου, τοῖς ῥείθροις, καὶ τῆς ψυχοφθόρου, ῥυσαὶ μὲ
ἀθυμίας.
Ὠδὴ θ΄. Κυρίως Θεοτόκον.
Ἅγια Νήπια πρεσβεύσατε ὑπὲρ ἡμῶν.
Συνόντες τοῖς Ἀγγέλοις, καὶ Ἁγίων
δήμοις, ἡ τῶν ἁγίων Νηπίων ὁμήγυρις, ὑπὲρ ἡμῶν δυσωπεῖτε Χριστὸν τὸν Κύριον.
Ἅγια Νήπια πρεσβεύσατε ὑπὲρ ἡμῶν.
Ἰσχὺν ἡμῖν αἰτεῖσθε, κατὰ τῶν
δαιμόνων, ὢ καθαρώτατα ἅγια Νήπια, ὡς ἂν ὁσίως Κυρίῳ εὐαρεστήσωμεν.
Ἅγια Νήπια πρεσβεύσατε ὑπὲρ ἡμῶν.
Μεθέξει Τρισηλίω, ὢ ἅγιοι Παῖδες,
ἀγαλλιώμενοι ἤδη καὶ χαίροντες, ἐκ χαλεπῆς ἀθυμίας ἡμᾶς λυτρώσασθε.
Δόξα Πατρί…
Οἱ πᾶσαν τοῦ Ἡρῴδου, λύσαντες
κακίαν, ὡς τοῦ Σωτῆρος νεοστεπτοι μάρτυρες, ὑπὲρ ἡμῶν δυσωπεῖτε ἅγια Νήπια.
Καὶ νῦν καὶ ἀεί… Θεοτόκιον.
Ὑψίστου χαῖρε Μῆτερ, Κεχαριτωμένη*
χαῖρε Παρθένε τοῦ κόσμου βοήθεια* χαῖρε ἡμῶν σωτηρία καὶ καταφύγιον.
Ἄξιόν
ἐστι ὡς ἀληθῶς μακαρίζειν σὲ τὴν Θεοτόκον, τὴν ἀειμακάριστον καὶ παναμώμητον
καὶ μητέρα τοῦ Θεοῦ ἡμῶν. Τὴν τιμιωτέραν τῶν Χερουβεὶμ καὶ ἐνδοξοτέραν
ἀσυγκρίτως τῶν Σεραφείμ, τὴν ἀδιαφθόρως Θεὸν Λόγον τεκούσαν* τὴν ὄντως Θεοτόκον
σὲ μεγαλύνομεν.
Καὶ θυμιᾷ ὁ Ἱερεὺς τὸ θυσιαστήριον
καὶ τὸν ναόν, ἢ τὸν οἶκον ὅπου ψάλλεται ἡ Παράκλησις· καὶ ἡμεῖς ψάλλομεν
τὰ παρόντα Μεγαλυνάρια.
Μεγαλυνάρια.
Δῆμος ἀπειρόκακος καὶ σεπτός,
ἁγίων Νηπίων, προσηνέχθη μαρτυρικώς, τῇ μετὰ σαρκός σου, γεννήσει Ζωοδότα ? ὧν
ταῖς λιταῖς παρασχού, ἡμῖν τὴν χάριν.
Ἡρῴδης λυττήσας ὁ δυσμενής, κατὰ
σοῦ Οἰκτιρμόν, χεῖρα ὥπλισε φονικήν, καὶ χορὸν Νηπίων, ἀπέκτεινεν ἀκάκων ? οὖς
δόξῃς οὐρανίου, Σῶτερ ἠξίωσας.
Ἐκ χειρῶν μητρῴων καὶ ἀγκαλῶν, ὡς
θὴρ ἀφαρπάσας, ὁ παράνομος βασιλεύς, ἀνεύθυνα βρέφη, ἀπέκτεινε τῷ ξίφει, ἀλλ΄ὁ
Δεσπότης πάντων, ταῦτα ἐδόξασε.
Αἵμασι Νηπίων ἡ Βηθλεέμ, ἀκάκων
ἐβάφη, Ἐκκλησία δὲ τοῦ Χριστοῦ, ὡς μάρτυρας τούτους, νεοσφαγεῖς γεραίρει, τὸν
ἀθλοθέτην πάντων, Χριστὸν δοξάζουσα.
Χαίροις τῶν Νηπίων θεῖος χορός,
ἄμωμοι θυσίαι, καὶ καρπώματα λογικά, οἵ τῳ Ζωοδότη, Χριστῷ προσενεχθέντες, καὶ
πᾶσιν ἐξαιτοῦντες, τὸ θεῖον ἔλεος.
Δέξαι ἐπουράνιε βασιλεῦ, τῶν
ἁγνῶν Νηπίων, τάς δεήσεις ὑπὲρ ἡμῶν, καὶ παρασχοὺ πᾶσι, τοὺς οἰκτισμούς σου
Σῶτερ, καὶ τῆς ἀλήκτου δόξῃς, ἡμᾶς ἀξίωσον.
Πᾶσαι τῶν Ἀγγέλων αἱ στρατιαί,
Πρόδρομε Κυρίου, Ἀποστόλων ἡ δωδεκάς, οἱ Ἅγιοι πάντες μετὰ τῆς Θεοτόκου,
ποιήσατε πρεσβείαν εἰς τὸ σωθῆναι ἡμάς.
Τρισάγιον.
Ἅγιος
ὁ Θεός, Ἅγιος Ἰσχυρός, Ἅγιος Ἀθάνατος, ἐλέησον ἡμᾶς. (ἐκ γ´)
Δόξα
Πατρὶ καὶ Υἱῷ καὶ ἁγίῳ Πνεύματι, καὶ νῦν καὶ ἀεὶ καὶ εἰς τοὺς αἰῶνας
τῶν αἰώνων. Ἀμήν.
Παναγία
Τριάς, ἐλέησον ἡμᾶς. Κύριε, ἱλάσθητι ταῖς ἁμαρτίαις ἡμῶν. Δέσποτα,
συγχώρησον τὰς ἀνομίας ἡμῖν. Ἅγιε, ἐπίσκεψαι καὶ ἴασαι τὰς ἀσθενείας
ἡμῶν, ἕνεκεν τοῦ ὀνόματός σου.
Κύριε,
ἐλέησον. Κύριε, ἐλέησον. Κύριε, ἐλέησον.
Δόξα
Πατρὶ καὶ Υἱῷ καὶ ἁγίῳ Πνεύματι, καὶ νῦν καὶ ἀεὶ καὶ εἰς τοὺς αἰῶνας τῶν
αἰώνων. Ἀμήν.
Πάτερ ἡμῶν,
ὁ ἐν τοῖς οὐρανοῖς, ἁγιασθήτω τὸ ὄνομά σου· ἐλθέτω ἡ βασιλεία σου·
γενηθήτω τὸ θέλημά σου ὡς ἐν οὐρανῷ καὶ ἐπὶ τῆς γῆς. Τὸν ἄρτον ἡμῶν
τὸν ἐπιούσιον δὸς ἡμῖν σήμερον καὶ ἄφες ἡμῖν τὰ ὀφειλήματα ἡμῶν,
ὡς καὶ ἡμεῖς ἀφίεμεν τοῖς ὀφειλέταις ἡμῶν· καὶ μὴ εἰσενέγκῃς ἡμᾶς
εἰς πειρασμόν, ἀλλὰ ῥῦσαι ἡμᾶς ἀπὸ τοῦ πονηροῦ.
Ὁ ἱερεύς·
Ὅτι σοῦ ἐστιν ἡ βασιλεία καὶ
ἡ δύναμις καὶ ἡ δόξα τοῦ Πατρὸς καὶ τοῦ Υἱοῦ καὶ τοῦ Ἁγίου Πνεύματος,
νῦν καὶ ἀεὶ καὶ εἰς τοὺς αἰῶνας τῶν αἰώνων.
Ὁ ἀναγνώστης· Ἀμήν.
Οἱ ψάλται τὰ τροπάρια ταῦτα.
Ἦχος πλ. β´.
Ἐλέησον
ἡμᾶς, Κύριε, ἐλέησον ἡμᾶς· πάσης γὰρ ἀπολογίας ἀποροῦντες, ταύτην
σοι τὴν ἱκεσίαν ὡς Δεσπότῃ, οἱ ἁμαρτωλοὶ προσφέρομεν· ἐλέησον ἡμᾶς.
Δόξα.
Κύριε,
ἐλέησον ἡμᾶς, ἐπὶ σοὶ γὰρ πεποίθαμεν. Μὴ ὀργισθῇς ἡμῖν σφόδρα, μηδὲ
μνησθῇς τῶν ἀνομιῶν ἡμῶν· ἀλλ᾿ ἐπίβλεψον καὶ νῦν ὡς εὔσπλαγχνος, καὶ
λύτρωσαι ἡμᾶς ἐκ τῶν ἐχθρῶν ἡμῶν· Σὺ γὰρ εἶ Θεὸς ἡμῶν, καὶ ἡμεῖς λαός
σου· πάντες ἔργα χειρῶν σου, καὶ τὸ ὄνομά σου ἐπικεκλήμεθα.
Καὶ νῦν.
Θεοτοκίον.
Τῆς εὐσπλαγχνίας
τὴν πύλην ἄνοιξον ἡμῖν, εὐλογημένη Θεοτόκε· ἐλπίζοντες εἰς σέ, μὴ
ἀστοχήσαιμεν· ῥυσθείημεν διὰ σοῦ τῶν περιστάσεων· σὺ γὰρ εἶ ἡ σωτηρία
τοῦ γένους τῶν Χριστιανῶν.
Ἀπολυτίκιον.
Ἦχος πλ. α΄. Τὸν συνάναρχον Λόγον.
Τῶν ἁγίων Νηπίων τὸν θεῖον
ὅμιλον, ὧν ὁ Ἡρῴδης φονία χειρὶ ἀπέκτεινεν, ἀνυμνήσωμεν πιστοὶ ὡς θείους
Μάρτυρας ? ὅτι προσήχθησαν Χριστῷ, Νηπιάσαντι σαρκί, ὡς ἄμωμα ἱερεῖα,
ἐκδυσωπούντα ἀπαύστως, ἐλεηθῆναι τάς ψυχὰς ἡμῶν.
Εἶτα μνημονεύει ὁ ἱερεύς, δι᾿ οὓς ἡ παράκλησις γίνεται,
καὶ ἡμεῖς μεθ᾿ ἑκάστην αἴτησιν ψάλλομεν τὸ Κύριε,
ἐλέησον (γ´).
Ἐλέησον
ἡμᾶς ὁ Θεὸς κατὰ τὸ μέγα ἔλεός σου, δεόμεθά σου, ἐπάκουσον καὶ ἐλέησον.
Ἔτι
δεόμεθα ὑπὲρ τῶν εὐσεβῶν καὶ ὀρθοδόξων χριστιανῶν.
Ἔτι
δεόμεθα ὑπὲρ τοῦ Πατρὸς καὶ Πατριάρχου ἡμῶν (δεῖνος)
καὶ πάσης τῆς ἐν Χριστῷ ἡμῶν ἀδελφότητος.
Ἔτι
δεόμεθα ὑπὲρ ἐλέους, ζωῆς, εἰρήνης, ὑγείας, σωτηρίας, ἐπισκέψεως,
συγχωρήσεως καὶ ἀφέσεως τῶν ἁμαρτιῶν τῶν δούλων τοῦ Θεοῦ, πάντων
τῶν εὐσεβῶν καὶ ὀρθοδόξων χριστιανῶν, τῶν κατοικούντων καὶ παρεπιδημούντων
ἐν τῇ (κώμῃ, πόλει, νήσῳ) ταύτῃ.
Ἔτι
δεόμεθα ὑπὲρ τῶν δούλων τοῦ Θεοῦ, (ὀνόματα).
Ἔτι
δεόμεθα ὑπὲρ τοῦ διαφυλαχθῆναι τὴν ἁγίαν Ἐκκλησίαν (ἢ Μονὴν) καὶ τὴν πόλιν (ἢ
κώμην, ἢ χώραν, ἢ νῆσον) ταύτην, καὶ πᾶσαν πόλιν καὶ χώραν ἀπὸ
ὀργῆς, λοιμοῦ, λιμοῦ, σεισμοῦ, καταποντισμοῦ, πυρός, μαχαίρας, ἐπιδρομῆς
ἀλλοφύλων, ἐμφυλίου πολέμου, καὶ αἰφνιδίου θανάτου· ὑπὲρ τοῦ ἵλεων,
εὐμενῆ, καὶ εὐδιάλλακτον, γενέσθαι τὸν ἀγαθὸν καὶ φιλάνθρωπον Θεὸν
ἡμῶν, τοῦ ἀποστρέψαι καὶ διασκεδάσαι πᾶσαν ὀργὴν καὶ νόσον, τὴν καθ᾿
ἡμῶν κινουμένην· καὶ ῥύσασθαι ἡμᾶς ἐκ τῆς ἐπικειμένης δικαίας αὐτοῦ
ἀπειλῆς, καὶ ἐλεῆσαι ἡμᾶς.
Ἔτι
δεόμεθα, ὑπὲρ τοῦ εἰσακοῦσαι Κύριον τὸν Θεὸν φωνῆς τῆς δεήσεως ἡμῶν
τῶν ἁμαρτωλῶν, καὶ ἐλεῆσαι ἡμᾶς.
Ἐπάκουσον
ἡμῶν, ὁ Θεός, ὁ Σωτὴρ ἡμῶν, ἡ ἐλπὶς πάντων τῶν περάτων τῆς γῆς καὶ τῶν
ἐν θαλάσσῃ μακράν· καὶ ἵλεως, ἵλεως γενοῦ ἡμῖν, Δέσποτα ἐπὶ ταῖς ἁμαρτίαις
ἡμῶν, καὶ ἐλέησον ἡμᾶς. Ἐλεήμων γὰρ καὶ φιλάνθρωπος Θεὸς ὑπάρχεις,
καὶ σοὶ τὴν δόξαν ἀναπέμπομεν, τῷ Πατρὶ καὶ τῷ Υἱῷ καὶ τῷ ἁγίῳ Πνεύματι,
νῦν καὶ ἀεί, καὶ εἰς τοὺς αἰῶνας τῶν αἰώνων.
Ὁ ἀναγνώστης· Ἀμήν.
Ὁ ἱερεὺς ποιεῖ ἀμέσως τὴν Ἀπόλυσιν.
Δόξα
σοι, ὁ Θεός, ἡ ἐλπὶς ἡμῶν, δόξα σοι.
[Ὁ ἀναστὰς ἐκ νεκρῶν] Χριστὸς
ὁ ἀληθινὸς Θεὸς ἡμῶν ταῖς πρεσβείαις τῆς παναχράντου καὶ παναμώμου
ἁγίας αὐτοῦ Μητρός· δυνάμει τοῦ τιμίου καὶ ζωοποιοῦ Σταυροῦ· τῇ χάριτι
τοῦ παναγίου καὶ ζωοδόχου Τάφου· προστασίαις τῶν τιμίων ἐπουρανίων
δυνάμεων ἀσωμάτων· ἱκεσίαις τοῦ τιμίου καὶ ἐνδόξου προφήτου, προδρόμου
καὶ βαπτιστοῦ Ἰωάννου· τῶν ἁγίων, ἐνδόξων καὶ πανευφήμων ἀποστόλων·
τοῦ ἁγίου ἐνδόξου καὶ πανευφήμου Ἀποστόλου Ἰακώβου τοῦ Ἀδελφοθέου
καὶ πρώτου Ἱεράρχου τῶν Ἱεροσολύμων· τῶν ἁγίων, ἐνδόξων καὶ καλλινίκων
μαρτύρων· τῶν ὁσίων καὶ θεοφόρων πατέρων ἡμῶν· τῶν ἁγίων ἐνδόξων
θεοστέπτων μεγάλων βασιλέων καὶ Ἰσαποστόλων Κωνσταντίνου καὶ Ἑλένης·
(τοῦ ἁγίου τοῦ ναοῦ)· τῶν ἁγίων καὶ δικαίων
θεοπατόρων Ἰωακεὶμ καὶ Ἄννης· τοῦ ἁγίου (τῶν
ΑΓΙΩΝ
ΝΗΠΙΩΝ ΤΩΝ ΑΝΑΙΡΕΘΕΝΤΩΝ ΥΠΟ ΗΡΩΔΟΥ ΕΝ ΒΗΘΛΕΕΜ ΤΗΣ ΙΟΥΔΑΙΑΣ), ὧν καὶ τὴν μνήμην ἐπιτελοῦμεν, καὶ πάντων
τῶν ἁγίων ἐλεήσαι καὶ σώσαι ἡμᾶς ὡς ἀγαθὸς καὶ φιλάνθρωπος.
Ἦχος β΄. Ὅτε ἐκ τοῦ ξύλου.
Σῶτερ ὁ τεχθεὶς ἐκ τῆς Ἁγνῆς, καὶ
Ἀειπαρθένου Μαρίας, δι΄ἀγαθότητα, καὶ ἡμὰς ῥυσάμενος, ἐκ τῆς ἀρχαίας ἄρας, τῶν
ἁγίων Νηπίων σοῦ δέχου τάς δεήσεις, ἂς σοι ἀναφέρουσιν, ὑπὲρ ἡμῶν συμπαθῶς ? σύ
γὰρ ἐμεγάλυνας ταῦτα καὶ τοῖς τούτων αἵμασι Λόγε, τὴν σὴν Ἐκκλησίαν
ἐπορφύρωσας.
Κοντάκιον.
Ἦχος θ΄. Ἐπεφάνης σήμερον.
Ἀστὴρ Μάγους ἔπεμψε, πρὸς τὸν
τεχθέντα* καὶ Ἡρῴδης ἄδικον, στρατὸν ἀπέστειλε κενῶς, φονοκτονῆσαι οἰόμενος,
τὸν ἐν τῇ φάτνῃ, ὡς Νήπιον κείμενον.
Συναξάριον.
Τῇ ΚΘ΄τοῦ μηνὸς Δεκεμβρίου,
Μνήμη τῶν Ἁγίων Νηπίων, τῶν ὑπὸ Ἡρῴδου ἀναιρεθέντων, χιλιάδων δεκατεσσάρων.
Ταῖς αὐτῶν ἁγίαις πρεσβείαις, ὁ
Θεός ελέησον ημάς. Αμήν.
ΔΙ’
ΕΥΧΩΝ....
Δεν υπάρχουν σχόλια:
Δημοσίευση σχολίου