Παράκλησις Παν. ΚΟΡΥΦΙΩΤΙΣΣΗΣ Κορινθίας.

Παράκλησις Παν. ΚΟΡΥΦΙΩΤΙΣΣΗΣ Κορινθίας.

Τιμωμένης  εἰς  τήν  ὁμώνυμον  Ἱεράν  Μονήν  Καμαρίου Κορινθίας

Ποίημα  Ἀντωνίου  Μάρκου

        Ὁ  Ἱερεύς  ἄρχεται  τῆς  Παρακλήσεως  μέ  τήν  δοξολογικήν  ἐκφώνησιν:

Εὐλογητός  ὁ  Θεός  ἡμῶν, πάντοτε, νῦν  καί  ἀεί  καί  εἰς  τούς  αἰῶνας  τῶν  αἰώνων.

Ὁ  χορός: Ἀμήν.

 Ψαλμός  ρμβ’ (142).

Κύριε  εἰσάκουσον  τῆς  προσευχῆς  μου, ἐνώτισαι  τήν  δέησίν  μου  ἐν  τῇ  ἀληθείᾳ  Σου, εἰσάκουσον  μου  ἐν  τῇ  δικαιοσύνῃ  Σου  καί  μή  εἰσέλθης  εἰς  κρίσιν  μετά  τοῦ  δούλου  Σου· ὅτι  οὐ  δικαιωθήσεται  ἐνώπιόν  Σου, πᾶς  ζῶν.

       Ὅτι  κατεδίωξεν  ὁ  ἐχθρός  τήν  ψυχήν μου, ἐταπείνωσεν  εἰς  γῆν  τήν  ζωήν  μου.

       Ἐκάθισέ  με  ἐν  σκοτεινοῖς, ὡς  νεκρούς  αἰῶνος  καί  ἠκηδιάσεν  ἐπ’ ἐμέ  τό  πνεῦμα  μου, ἐν  ἐμοί  ἐταράχθη  ἡ  καρδία  μου.

       Ἐμνήσθην  ἡμερῶν  ἀρχαίων, ἐμελέτησα  ἐν  πᾶσι  τοῖς  ἔργοις  Σου, ἐν  ποιήμασι  τῶν  χειρῶν  Σου  ἐμελέτων.

       Διεπέτασα  πρός  Σέ  τάς  χείρας  μου, ἡ  ψυχή  μου  ὡς  γῆ  ἄνυδρός  Σοι.

       Ταχύ  εἰσακουσόν  μου, Κύριε, ἐξέλιπε  τό  πνεῦμα  μου.

       Μή  ἀποστρέψης  τό  πρόσωπόν  Σου  ἀπ’ ἐμοῦ  καί  ὁμοιωθήσομαι  τοῖς  καταβαίνουσιν  εἰς  λάκκον.

       Ἀκουστόν  ποίησόν  μου  τό  πρωΐ  τό  ἔλεός  Σου, ὅτι  ἐπί  Σοί  ἤλπισα.

       Γνώρισόν  μοι, Κύριε, ὁδόν  ἐν ἧ  πορεύσομαι, ὅτι  πρός  Σέ  ἦρα  τήν  ψυχήν  μου.

       Ἐξελοῦ  με  ἐκ  τῶν  ἐχθρῶν  μου, Κύριε, πρός  Σέ  κατέφυγον, δίδαξόν  με  τοῦ  ποιεῖν  τό  θέλημά  Σου, ὅτι  Σύ  εἶ  ὁ  Θεός  μου.

       Τό  Πνεῦμα  Σου  τό  ἀγαθόν ὁδηγήσει  με  ἐν  γῇ  εὐθείᾳ, ἕνεκεν  τοῦ  ὀνόματός  Σου, Κύριε, ζήσεις  με.

       Ἐν  τῇ  δικαιοσύνῃ  Σου  ἐξάξεις  ἐκ  θλίψεως  τήν  ψυχήν  μου  καί  ἐν  τῷ  ἐλέει  Σου  ἐξολοθρεύσεις  τούς  ἐχθρούς  μου.

       Καί  ἀπολεῖς  πάντας  τούς  θλίβοντας  τήν  ψυχήν  μου, ὅτι  ἐγώ  δοῦλος  Σου  εἰμί. 

       Καί  εὐθύς  ψάλλεται  τετράκις  ἐξ’ ὑπαμοιβῆς,  μετά  τῶν  οἰκείων  στίχων:

       Θεός  Κύριος  καί  ἐπέφανεν  ἡμῖν, εὐλογημένος  ὁ  ἐρχόμενος  ἐν  ὀνόματι  Κυρίου.

       Στίχ. α’. Ἐξολολογεῖσθε  τῷ  Κυρίῳ  καί  ἐπικαλεῖσθε  τό  ὄνομα  τό  Ἅγιον  Αὐτοῦ.

        Θεός  Κύριος  καί  ἐπέφανεν  ἡμῖν…

       Στίχ. β’. Πάντα  τά  ἔθνη  ἐκύκλωσάν  με  καί  τό ὀνόματι  Κυρίου  ἠμυνάμην  αὐτούς.

        Θεός  Κύριος  καί  ἐπέφανεν  ἡμῖν…

       Στίχ. γ’. Παρά  Κυρίου  ἐγένετο  αὕτη  καί  ἔστι  θαυμαστή  ἐν  ὀφθαλμοῖς  ἡμῶν.

        Θεός  Κύριος  καί  ἐπέφανεν  ἡμῖν…

Εἶτα  τά  παρόντα  Τροπάρια.

Ἦχος  δ’. Ὁ  ὑψωθείς  ἐν  τῷ  Σταυρῷ.

Κορυφιωτίσσης  τῆς  Θεοτόκου  Εἰκόνι, οἱ  ἐν  κινδύνοις, ἀλγηδόσι  καί  πόνοις  ὑπάρχοντες, προσπίπτωμεν  ἐν  πίστει  πολλῇ· Δέσποινα  βοήθησον  ἐκβοῶντες  ἐν  τάχει, τόν  ζυγόν  τῆς  θλίψεως  ἀφ’ ἡμῶν  ἀραμένη· Σέ  γάρ  μητέρα  ὁμολογοῦμεν, Ἀγαθή, καί  τῇ  Σῇ  σκέπῃ  ὡς  νήπια  σπεύδομεν.

Δόξα. Ἀπολυτίκιον. Ἦχος α’. Τῆς  ἐρήμου  πολίτης.

Τῇ  σεπτῇ Σου  Εἰκόνι  Κορυφιωτίσσης  προσπίπτωμεν, κλίνοντες  τό  γόνυ, Παρθένε, τῆς  ψυχῆς  καί  τοῦ  σώματος· δεόμενοι ἀντιλήψεως, Ἁγνή, πρεσβείαις  πρός  Υἱόν  Σου  καί  λιταῖς· ἵνα  τύχωμεν, Παρθένε,  τῆς  παρ’ Αὐτοῦ  πλημελημάτων  ἀφέσεως.  Δόξα  τοῖς  μεγαλείοις  Σου,  Σεμνή, δόξα  τοῖς  θαυμασίοις  Σου, δόξα ὑπερβαλόντως, Κόρη, τῇ  δυναστείᾳ  Σου.

Καί  νῦν. Ἦχος  δ’. Ὁ  ὑψωθείς  ἐν  τῷ  Σταυρῷ.

Τῇ  Θεοτόκῳ  ὡς  μητρί  ἐκβοῶμεν, οἱ  τυραννούμενοι  ἐχθροῦ  δυναστείᾳ, τῇ θεϊκῇ  Σου  σκέπασον  ἀγάπῃ  ἡμᾶς· σπεῦσον, Κόρη, ῥύσασθαι  τῶν  τοῦ  Βελίαρ  παγίδων  καί  τῆς  καταθλίψεως  καί  τῆς δαιμόνων  μανίας· Σοῦ  γάρ  ὑπάρχει   Εἰκών  τῆς Κορυφῆς, ἡμῶν  προστάτις, σκέπη τε  καί  ἀντί-ληψις.

Ψαλμός ν’ (50).

Ἐλέησόν  με,  ὁ  Θεός, κατά  τό  μέγα  ἔλεός  Σου  καί  κατά  τό  πλῆθος  τῶν  οἰκτιρμῶν  Σου, ἐξάλειψον  τό  ἀνόμημά  μου.

       Ἐπί  πλεῖον  πλῦνόν  με  ἀπό  τῆς  ἀνομίας  μου  καί  ἀπό  τῆς  ἁμαρτίας  μου  καθάρισόν  με.

       Ὅτι  τήν ἀνομίαν  μου  ἐγώ  γινώσκω  καί  ἡ  ἁμαρτία  μου  ἐνώπιόν  μου  ἐστι  διά  παντός.

       Σοί  μόνῳ  ἥμαρτον  καί  τό  πονηρόν  ἐνώπιόν  Σου  ἐποίησα, ὅπως  ἄν  δικαιωθῆς  ἐν  τοῖς  λόγοις  Σου  καί  νικήσῃς  ἐν  τῷ  κρίνεσθαί  Σε.

       Ἰδοῦ  γάρ  ἐν  ἀνομίαις  συνελήφθην  καί  ἐν  ἁμαρτίαις  ἐκίσσησέ  με  ἡ  μήτηρ  μου.

       Ἰδοῦ  γάρ  ἀλήθειαν   ἠγάπησας, τά  ἄδηλα  καί  τά  κρύφια  τῆς  σοφίας  Σου  ἐδήλωσάς  μοι.

       Ῥαντιεῖς  μέ  ὑσσώπῳ  καί  καθαρισθήσομαι, πλυνεῖς  με  καί  ὑπέρ  χιόνα  λευκανθήσομαι.

       Ἀκουτιεῖς  μοι  ἀγαλλίασιν  καί  εὐφροσύνην, ἀγαλλιάσονται  ὀστέα  τεταπεινωμένα.

       Ἀπόστρεψον  τό  πρόσωπόν  Σου  ἀπό  τῶν  ἁμαρτιῶν  μου  καί  πάσας  τάς  ἀνομίας  μου  ἐξάλειψον.

       Καρδίαν  καθαράν  κτίσον  ἐν  ἐμοί  ὁ  Θεός  καί  πνεῦμα  εὐθές  ἐγκαίνισον  ἐν  τοῖς  ἐγκάτοις  μου.

       Μή  ἀπορρίψῃς  με  ἀπό  τοῦ  προσώπου  Σου  καί  τό  Πνεῦμα  Σου  τό  Ἅγιον  μή  ἀντανέλῃς  ἀπ’ ἐμοῦ.

       Ἀπόδος  μοι  τήν  ἀγαλλίασιν  τοῦ  σωτηρίου  Σου  καί  πνεύματι  ἡγεμονικῷ  στήριξόν  με.

       Διδάξω  ἀνόμους  τάς  ὁδούς  Σου  καί  ἀσεβεῖς  ἐπί  σέ  ἐπιστρέψουσιν.

       Ῥῦσαι  με  ἐξ  αἱμάτων  ὁ  Θεός, ὁ  Θεός  τῆς  σωτηρίας  μου, ἀγαλλιάσεται  ἡ  γλῶσσα  μου  τήν  δικαιοσύνην  Σου.

       Κύριε, τά  χείλη  μου  ἀνοίξεις  καί  τό  στόμα  μου  ἀναγγελεῖ  τήν  αἴνεσίν  Σου.

       Ὅτι, εἰ  ἠθέλησας  θυσίαν, ἔδωκα  ἄν, ὁλοκαυτώματα  οὐκ  εὐδοκήσεις.

       Θυσίᾳ τῷ Θεῷ  πνεῦμα  συντετριμμένον, καρδίαν  συντετριμμένην  καί  τεταπεινωμένην  ὁ  Θεός  οὐκ  ἐξουδενώσει.

       Ἀγάθυνον, Κύριε, ἐν  τῇ  εὐδοκίᾳ  Σου  τήν  Σιών  καί  οἰκοδομηθήτω  τά  τείχη  Ἱερουσαλήμ.

       Τότε  εὐδοκήσεις  θυσίαν  δικαιοσύνης, ἀναφοράν  καί  ὁλοκαυτώματα.

       Τότε  ἀνοίσουσιν  ἐπί  τό  θυσιαστήριόν  Σου  μόσχους.

       Εἶτα  ψάλλομεν ἐξ  ὑπαμοιβῆς, πραείᾳ  τῇ  φωνῇ  καί  ἐν  εὐλαβείᾳ, τόν  παρόντα  Κανόνα, οὗ  ἡ  ἀκροστιχίς «ΕΙΚΟΝΙ ΚΟΡΥΦΙΩΤΙΣΣΗΣ  ΠΡΟΣΠΙΠΤΩ. ΑΝΤΩΝΙΟΣ».

Ὠδή α’. Ἦχος  πλ.  δ’. Ὁ  Εἱρμός. Ὑγράν  διοδεύσας.

Ὑπεραγία  Θεοτόκε  σῶσον  ἡμᾶς.

Εἰκόνι  Σου  τῇ  θείᾳ τῆς Κορυφῆς προσπίπτωμεν, Κόρη, Θεοπόθητε  Μαριάμ· καί  δι’ αὐτῆς  Σοί  τάς  ἱκεσίας, ὡς  εἰς  Μητέρα  προσφέρομεν, Δέσποινα.

Ὑπεραγία  Θεοτόκε  σῶσον  ἡμᾶς.

Ἰδεῖν  τοῦ  Υἱοῦ  Σου  τήν  φοβεράν  ἡμέραν, Παρθένε, καταξίωσον  Σαῖς  λιταῖς·  καί  Τοῦτον  ἐν  ὄμματι  συμπαθείας, Σαῖς  ἱκεσίαις  κατάστησον  βλέποντα.

Δόξα.

Κυρία  Παρθένε  τό  τῆς  ἐμῆς  ψυχῆς  δεινόν  ἄλγος  καί  τόν  πόνον  καί  τήν  φθοράν  ἀπέλασον  καί  τήν  ἁμαρτίαν,  τήν  ταῦτα  πάντα  ἐμοί  προκαλέσαντα.

Καί  νῦν.

Ὁδόν  μετανοίας  καί  ἐπιστροφῆς  βαδίζοντα, Κόρη, εὕροιμι  θάνατος  Σαῖς  λιταῖς· Σοῦ  δέομαι  καί  πρός  τόν  Υἱόν  Σου, Σύ  μέ  ὁδήγησον,  ὡς  Ὁδηγήτρια.

Ὠδή  γ’. Ὁ  Εἱρμός. Οὐρανίας  ἀψίδος.

Ὑπεραγία  Θεοτόκε  σῶσον  ἡμᾶς.

Ναῷ, Παρθένε, Μονῇ  τε  τῆς Κορυφῆς Σῆ  ὑπάρχοντα, ἐν  ὅ  ἡ  Σῆ  Εἰκών  ἡ  ἁγία  ἀποθησαύρισται, πλήθη  προσφεύγουσιν  τῶν  Ὀρθοδόξων, κακεῖσε  τήν  δέησιν  προσφέρουσι, Σοί  τῇ  Μητρί  ἡμῶν.

Ὑπεραγία  Θεοτόκε  σῶσον  ἡμᾶς.

Ἴδε, Κόρη  Ἁγία, τούς  τῇ  Εἰκόνι  Σου  σπεύδοντας  καί  δεινοῦ  ἄλγους  καί  λύπης  ἡμᾶς  ἀπάλλαξον· τούς  τῇ  Σῇ  χάριτι  γονυκλινῶς  αἰτουμένοις·  πρόφθασον, ἀπάλλαξον ἡμᾶς  πρεσβείαις  Σου.

Δόξα.

Κορυφῆς  τῇ  μορφῇ  Σου  καί  τῷ  σεπτῷ  ἐκτυπώματι, σπεύδομεν  οἱ  ἐν  θλίψεσι  πάντες  καί  ἐν  βασάνοις  ὑπάρχοντες· αὐτῷ  γάρ  δέδοκας  πλουσίαν  τήν  Σήν  χάριν, ἧν  ἡμῖν  ἐπόμβρισον, Ἁγία  Δέσποινα.

Καί  νῦν.

Ὅλον  γένος  ἀνθρώπων τῇ  μεσιτείᾳ  Σου  σπεύδομεν, αἰτούμενοι  τυχεῖν  βοηθείας  καί  ἀντιλήψεως· ἄρον  τό  βάρος  ἡμῶν  ἀπό  ψυχῆς, Θεοτόκε· ἵνα  ἀνυμνοῦμεν  Σε,   Μῆτερ  Γοννόεσα.

Διάσωσον, τούς  Σύ  προσπίπτοντας  πόθῳ,  Μητροπάρθενε Κόρη,  εἰκόνι Σου  γάρ  τῇ  σεπτῇ  ἐπισκιάζει  ἀφθόνως  ἡ  Σῆ  χάρις.

Ἐπίβλεψον  ἐν  εὐμενείᾳ, Πανύμνητε  Θεοτόκε, ἐπί  τήν  ἐμήν  χαλεπήν  τοῦ  σώματος  κάκωσιν  καί  ἴασαι  τῆς  ψυχῆς  μου  τό  ἄλγος.

Ὁ  Ἱερεύς  τήν  κάτωθι  δέησιν, ἡμῶν  ψαλλόντων  τό Κύριε  ἐλέησον  δωδεκάκις:

Ἐλέησον  ἡμᾶς, ὁ  Θεός, κατά  τό  μέγα  ἔλεός Σου, δεόμεθά  Σου, ἐπάκουσον  καί  ἐλέησον.

       Ἔτι  δεόμεθα, ὑπέρ  τοῦ  Ἀρχιεπισκόπου  ἡμῶν  (δεῖνος) καί  πάσης  τῆς  ἐν  Χριστῷ  ἡμῶν  ἀδελφότητος.

        Ἔτι δεόμεθα, ὑπέρ  ἐλέους, ζωῆς, εἰρήνης, ὑγείας, σωτηρίας, ἐπισκέψεως, συγχωρήσεως  καί  ἀφέσεως  τῶν  ἁμαρτιῶν, πάντων  τῶν εὐσεβῶν  καί  Ὀρθοδόξων  Χριστιανῶν.

       Ἔτι  δεόμεθα  καί  ὑπέρ  τῶν  δούλων  τοῦ  Θεοῦ… (καί  μνημονεύονται  τά  ὀνόματα  τῶν  ὑπέρ  ὧν  ἡ  Ἱερά  Παράκλησις  τελεῖται).

       Ὅτι  ἐλεήμων  καί  φιλάνθρωπος  Θεός  ὑπάρχεις  καί  Σοί  τήν  δόξαν  ἀναπέμπομεν, τῷ  Πατρί  καί  τῷ  Υἱῷ  καί  τῷ  Ἁγίῳ  Πνεύματι, νῦν  καί  ἀεί  καί  εἰς  τούς  αἰῶνας  τῶν  αἰώνων.

Ὁ  χορός.

Ἀμήν.

Κάθισμα. Ἦχος β’. Τά  ἄνω  ζητῶν.

Τῆς Κορυφῆς  τῇ  Εἰκόνι  νῦν  προσπίπτωμεν, οἱ  ἐν  πόνοις  ψυχῆς  καί  θλίψεσι  ὑπάρχοντες·  καί  δι’ αὐτῆς  αἰτούμεθα  τῆς  Θεοτόκου  τό  ἄμετρον  ἔλεος  καί  τήν  ταχεῖαν  Ταύτης  συνδρομήν  καί  τήν  βεβαίαν  Αὐτῆς  ἀντίληψιν.

Ὠδή δ’. Ὁ  Εἱρμός. Εἰσακήκοα  Κύριε.

Ὑπεραγία  Θεοτόκε  σῶσον  ἡμᾶς.

Ῥῦσαι  πάντας, Παρθένε, ἀπ’ ἀπειλῆς  καί  κακώσεως, ἡ  τοῦ  κόσμου  χαρᾶς  πρόξενος  γενομένη  θείῳ  τόκῳ  Σου.

Ὑπεραγία  Θεοτόκε  σῶσον  ἡμᾶς.

Ὑμῶν  τεῖχος  καί  σκέπη  καί  ὀχυρόν  καί  ὀχύρωμα, πέλεις  Μῆτερ  Ἁγία, Κορυφιώτισσα, Γονόεσσα.

Ὑπεραγία  Θεοτόκε  σῶσον  ἡμᾶς.

Φώτισον  τούς  δούλους, τούς  ἐν  ἁμαρτίαις  κατακειμένους νῦν  καί  ἐν  ταύταις  ἐπιμένοντας, διό  ἀνάξιοι  τοῦ  ἐλέους  Σου  ὑπάρχομεν.

Δόξα.

Ἴδε  μου  τήν  δέησιν  τήν  πρός  Σέ, Παρθένε, μή  ὑπερείδης  μου, ἀλλά  σπεῦσον  ὡς  φιλόστοργος,  Ἄνασσα,  καί  ἐλέησον  τόν  κάμνοντα.

Καί  νῦν.

Ὡραῖῳ  ἐκτυπώματι  τῆς  Παρθένου,  πάντες  τά  νῦν  προσπίπτωμεν  οἱ  ἐν  θλίψεσι,  αἰτούμενοι  ἄλγους  ψυχικοῦ  τήν  ἀπολύτρωσιν.

Ὠδή ε’. Ὁ Εἱρμός. Φώτισον  ἡμᾶς.

Ὑπεραγία  Θεοτόκε  σῶσον  ἡμᾶς.

Τείχισον  ἡμᾶς   γλυκασμῷ ἐλέους Κύριε, ταῖς πρεσβείαις τῆς  Ἀχράντου  Σου  Μητρός, ὅτι  Ταύτην  Σύ  προβάλλομεν  μεσήτριαν.

 Ὑπεραγία  Θεοτόκε  σῶσον  ἡμᾶς.

Ἴασαι,  Χριστέ, τῶν  ψυχῶν  ἡμῶν  τά  τραύματα, Σῆς  Μητρός  ἐπικαμπτόμενος  θερμαῖς μεσιτείαις  καί  πρεσβείαις  καί δεήσεσι.

Ὑπεραγία  Θεοτόκε  σῶσον  ἡμᾶς.

Σῶσαι  πειρασμῶν  καί  κακώσεων Φιλάνθρωπε, τῆς  Μητρός  Σου  ἐπικαπτόμενος, Σωτήρ,  τῇ  πρεσβείᾳ, ὅτι  Αὐτῇ  νῦν  καταφεύγωμεν.

Δόξα.

Σπεῦσον  πρός  ἡμᾶς  φιλανθρώπως, Ἐλεῆμον  Κύριε, μεσιτείᾳ  τῆς  Πανάγνου  καί  λιταῖς, Κορυφῆς  γάρ  Αὐτῆς  τῇ εἰκόνι  νῦν  προσπίπτωμεν.

Καί  νῦν.

Ἡμῶν  τῶν  εὐσεβῶν  Ὀρθοδόξων  κέρας  ὕψωσον, τῶν  αἱρέσεων  συντρίβων  τήν  ἰσχύν, τῆς  Μητρός  Σου  τῆς  Ἀχράντου  ταῖς  δεήσεσι.

Ὠδή  στ’. Ὁ  Εἱρμός. Τήν  δέησιν.

Ὑπεραγία  Θεοτόκε  σῶσον  ἡμᾶς.

Σωτήριον ἡμῖν λιμένα  ἄνοιξον, Σῇ  μεσιτείᾳ  πρός  Υἱόν  Σου, Θεοτόκε,  ὑπό  τήν  Σήν  γάρ καταφεύγωμεν  σκέπην,  τήν  παρά  Σοῦ  αἰτουμένοι  ἀντίληψιν· τιμᾶσαι  γάρ  ἐν  Κορυφῇ, ὡς  Ζωοδόχος  Πηγή  καί  Γονόεσσα.

Ὑπεραγία  Θεοτόκε  σῶσον  ἡμᾶς.

Παντοίων  με  πόνων  ψυχῆς  ἀπάλλαξον  καί  κακώσεων, τραυμάτων  τε, Παρθένε· τῆς  Κορυφῆς  γάρ  τῇ  Εἰκόνι  προσπίπτων, τήν  παρά  Σοῦ  αἰτοῦμαι  βοήθειαν·  καί  Σέ  θαυμάτων  τήν  πηγήν,  ὁμολογῶ  καί  κηρύττω, Πανύμνητε.

Ὑπεραγία  Θεοτόκε  σῶσον  ἡμᾶς.

Ῥῦστιν  ἡμῶν  καί  Ὀρθοδόξων  ἁπάντων, τά  Σά  θαυμάσια  κηρύσσουσι, Παρθένε·  καί  τριχομένων  κακίαις  παντοίαις  καί  ὀχλουμένων  Βελίαρ  προσκρούσεσι·  καί  πάντων  τῶν  ἐν  συμφοραῖς, μόνη  βοήθεια  πέλεις, Θεόνυμφε.

Δόξα.

Ὅρμησον  τήν  ψυχήν  μου, Παρθένε, εἰς  λιμένα  ἀσφαλῆ  σωτηρίας,  ταῖς  Σαῖς  θερμαῖς  πρός  Θεόν  ἱκεσίαις  καί  τῇ  πρεσβείᾳ  Σου  τήρησον  ἄτρωτον·  καί  ἐπί  πέτραν  ἀσφαλῇ,  τῆς  πρός  Υἱόν  Σου  πίστεως, Ἄχραντε.

 Καί  νῦν.

Συμπνίγομαι  ταῖς  τοῦ  βίου  πάθεσι  τοῖς  ἀκαθάρτοις, ἅ  μολύνουσι, Μήτερ,  τήν  ἐν  ἐμοί  τοῦ  Κυρίου  εἰκόνα, ἀλλά  Σύ  δέομαι, Κόρη, ἀποκάθαρον,  ταῖς  δάκρυσι  καί  στεναγμοῖς, ἅ  δώρησαί  μοι, Παρθένε,  καί  σῶσον  με.

Διάσωσον, τούς  Σύ  προσπίπτοντας  ἐκ  πόθου, Μητροπάρθενε Κόρη,  εἰκόνι  Σου γάρ  τῇ  σεπτῇ  ἐπισκιάζει  ἀφθόνως  ἡ  Σῇ χάρις.

Ἄχραντε, ἡ  διά  λόγου  τόν  Λόγον  ἀνερμηνεύτως, ἐπ’ ἐσχάτων τῶν ἡμερῶν  τεκοῦσα, δυσώπησον, ὡς  ἔχουσα  μητρικήν  παρρησίαν.

       Ὁ  Ἱερεύς  μνημονεύει ὡς  δεδήλωται, ἡμῶν  ψαλλόντων  τό Κύριε  ἐλέησον  δωδεκάκις καί  μετά  τήν  ἐκφώνησιν:

Κοντάκιον.  Ἦχος γ’. Τήν  ὡραιότητα.

Τῇ  Κορυφιώτισσᾳ  τά  νῦν  προσπίπτωμεν, ὠδαῖς, δεήσεσι  Αὐτήν  καλούμενοι, εἰς  τήν  βοήθειαν  ἡμῶν  τῶν  θλίψεσι  ὀχλουμένων· σπεῦσον, Μῆτερ, πρόφθασον  τήν  ὀργήν  τοῦ  Παντάνακτος· Αὐτῶ  γάρ  ἁμαρτάνομεν  καί  δεινῶς  παροργίζομεν· εὐσπλάχνως  οὗν  ἐπίβλεψον, Ἁγνή, ἐπί  λαόν  ἀσεβοῦντα  καί  ἐλέησον.

Καί  εὐθύς  τό  Προκείμενον

       Μνησθήσομαι  τοῦ  ὀνοματός  σου  ἐν  πάσῃ  γενεᾷ  καί  γενεᾷ. (Δίς).

       Στίχ. Ἄκουσον,  Θύγατερ,  καί  ἴδε  καί  κλῖνον  τό  οὗς  Σου  καί  ἐπιλάθου  τοῦ  λαοῦ  Σου  καί  τοῦ  οἴκου  τοῦ  πατρός  Σου  καί  ἐπιθυμήσει  ὁ  Βασιλεύς  τοῦ  κάλλους  Σου.

       Μνησθήσομαι  τοῦ  ὀνόματός  σου  ἐν  πάσῃ  γενεᾷ  καί  γενεᾷ.

 Ὁ  Ἱερεύς:

Καί  ὑπέρ  τοῦ καταξιωθῆναι  ἡμᾶς  τῆς  ἀκροάσεως  τοῦ  ἁγίου  Εὐαγγελίου, Κύριον  τόν  Θεόν  ἡμῶν  ἱκετεύσωμεν.

Ὁ  χορός: Κύριε  ἐλέησον  (γ’).

Ὁ  Ἱερεύς:

Σοφία. Ὀρθοί  ἀκούσωμεν  τοῦ  ἁγίου  Εὐαγγελίου. Εἰρήνη  πᾶσι.

Ὁ  χορός: Καί  τῷ  πνεύματί  σου.

Ὁ  Ἱερεύς:

Ἐκ  τοῦ  κατά  Λουκᾶν  ἁγίου  Εὐαγγελίου, τό  ἀνάγνωσμα. Σοφία, πρόσχωμεν.

Ὁ  χορός: Δόξα  Σοι, Κύριε, δόξα  Σοι.

Ἐν  ταῖς  ἡμέραις  ἐκείναις, ἀναστᾶσα  Μαριάμ, ἐπορεύθη  εἰς  τήν  Ὀρεινήν μετά σπουδῆς, εἰς  πόλιν  Ἰοῦδα. Καί  εἰσῆλθεν  εἰς  τόν  οἶκον  Ζαχαρίου  καί  ἠσπάσατο  τήν  Ἐλισάβετ. Καί  ἐγένετο, ὡς  ἤκουσεν  Ἐλισάβετ  τόν  ἀσπασμόν  τῆς  Μαρίας, ἐσκίρτησε  τό  βρέφος  ἐν  τῇ  κοιλίᾳ  αὐτῆς. Καί  ἐπλήσθη  Πνεύματος  Ἁγίου  ἡ  Ἐλισάβετ  καί  ἀνεφώνησε  φωνῇ  μεγάλῃ  καί  εἶπεν. Εὐλογημένη  σύ  ἐν  γυναιξί  καί  εὐλογημένος  ὁ  καρπός  τῆς  κοιλίας  σου. Καί  πόθεν  μοι  τοῦτο, ἵνα  ἔλθῃ  ἡ  μήτηρ  τοῦ  Κυρίου  μου  πρός  με; Ἰδού  γάρ, ὡς  ἐγένετο  ἡ  φωνή  τοῦ  ἀσπασμοῦ  σου  εἰς  τά  ὦτά  μου, ἐσκίρτησε  τό  βρέφος  ἐν  ἀγαλλιάσει  ἐν  τῇ  κοιλίᾳ  μου. Καί  μακαρία  ἡ  πιστεύσασα, ὅτι  ἔσται  τελείωσις  τοῖς  λελαλημένοις  αὐτῇ παρά  Κυρίου.  Καί  εἶπε  Μαριάμ. Μεγαλύνει  ἡ  ψυχή  μου  τόν  Κύριον  καί  ἠγαλλίασε  τό  πνεῦμα  μου  ἐπί  τῷ  Θεῷ  τῷ  σωτῆρί  μου. Ὅτι  ἐπέβλεψεν  ἐπί  τήν  ταπείνωσιν  τῆς  δούλης  Αὐτοῦ. Ἰδού  γάρ  ἀπό  τοῦ  νῦν  μακαριοῦσί  με  πᾶσαι  αἱ  γενεαί. Ὅτι  ἐποίησέ  μοι  μεγαλεῖα  ὁ  Δυνατός  καί  ἅγιον  τό  ὄνομα  Αὐτοῦ. Ἔμεινε  δέ  Μαριάμ  σύν  αὐτῇ  ὡσεί  μῆνας  τρεῖς  καί  ὑπέστρεψεν  εἰς  τόν  οἶκον  αὐτῆς.

 Ὁ  χορός: Δόξα  Σοι, Κύριε, δόξα  Σοι.

Δόξα. Ἦχος β’.

Ταῖς  τῆς  Θεοτόκου  πρεσβείαις,  Ἐλεῆμον, ἐξάλειψον  τά  πλήθη  τῶν  ἐμῶν  ἐγκλημάτων.

Καί  νῦν.

Ταῖς  Κορυφιωτίσσης  πρεσβείαις,  Ἐλεῆμον, ἐξάλειψον  τά  πλήθη  τῶν  ἐμῶν  ἐγκλημάτων.

       Στίχ. Ἐλεῆμον, ἐλέησόν  με  ὁ  Θεός  κατά  τό  μέγα  ἔλεός  Σου  καί  κατά  τό πλῆθος  τῶν  οἰκτιρμῶν  Σου  ἐξάλειψον  τό  ἀνόμημά  μου.

Ἦχος  πλ. β’. Ὅλην  ἀποθέμενοι.

Πᾶσαν  τήν  ζωήν  ἡμῶν  ὑπό  τήν  σκέπην  Σου, Μῆτερ, καί  τήν  Σήν  ἀντίληψιν  καί  τῇ  μεσιτείᾳ  Σου  ἀναθέμεθα. Φιλανθρώπως, Δέσποινα, ἔπαρον  τάς  χεῖρας  τῷ  Υἱῷ  Σου  καί  μεσίτευσον, ὑπέρ  λαοῦ  ἀγνώμονος  καί  Αὐτόν  δεινῶς  παροργίζοντος.  Κορυφιώτισσα  Κόρη,  Εἰκόνι  τῇ  ἁγίᾳ  Σου  τά  νῦν, οἱ  ἐν  κινδύνοις προσπίπτομεν  καί  Αὐτῇ  δεόμεθα.

 Εὐθύς  ἐκφωνεῖται  ὑπό  τοῦ  Ἱερέως  ἡ  λιτανευτική  ἱκεσία:

Σῶσον  ὁ  Θεός  τόν  λαόν  Σου  καί  εὐλόγησον  τήν  κληρονομίαν  Σου. Ἐπίσκεψαι  τόν  κόσμον  Σου  ἐν  ἐλέει  καί  οἰκτιρμοῖς, ὕψωσον  κέρας  Χριστιανῶν  Ὀρθοδόξων  καί  κατάπεμψον  ὑμῖν  τά  ἐλέη  Σου  τά  πλούσια.

       Πρεσβείαις  τῆς  Παναχράντου  Δεσποίνης  ἡμῶν  Θεοτόκου  καί  Ἀειπαρθένου  Μαρίας, Ἧς  τήν  Εἰκόνα  τῆς  Κορυφιωτίσσης   τιμῶμεν. Δυνάμει  τοῦ  Τιμίου  καί  Ζωοποιοῦ  Σταυροῦ. Προστασίαις  τῶν  Τιμίων, Ἐπουρανίων  Δυνάμεων  Ἀσωμάτων. Ἱκεσίαις  τοῦ  Τιμίου, Ἐνδόξου  Προφήτου  Προδρόμου  καί  Βαπτιστοῦ  Ἰωάννου. Τῶν  Ἁγίων  Ἐνδόξων  καί  Πανευφήμων  Ἀποστόλων. Τῶν  ἐν  Ἁγίοις  Πατέρων  ἡμῶν, Μεγάλων  Ἱεραρχῶν  καί  Οἰκουμενικῶν  Διδασκάλων: Βασιλείου  τοῦ  Μεγάλου, Γρηγορίου  τοῦ  Θεολόγου  καί  Ἰωάννου  τοῦ  Χρυσοστόμου· Ἀθανασίου  καί  Κυρίλλου, Ἰωάννου  τοῦ  Ἐλεήμονος, Πατριαρχῶν  Ἀλεξανδρείας· Νικολάου  Ἐπισκόπου  Μύρων  τῆς  Λυκίας  καί  Σπυρίδωνος Ἐπισκόπου  Τριμυθοῦντος, τῶν  Θαυματουργῶν. Τῶν ἁγίων, ἐνδόξων  καί  καλλινίκων  Μαρτύρων. Τῶν  Ἁγίων  ἐνδόξων  Μεγαλομαρτύρων  Γεωργίου  τοῦ  Τροπαιοφόρου, Δημητρίου  τοῦ  Μυροβλύτου, Θεοδώρου  τοῦ Τήρωνος  καί  Θεοδώρου  τοῦ  Στρατηλάτου. Τῶν  ἁγίων  Ἱερομαρτύρων  Χαραλάμπους  καί  Ἐλευθερίου. Τῶν  Ὁσίων  καί  Θεοφόρων  Πατέρων  ἡμῶν. (Τοῦ  Ἁγίου  τοῦ  Ναοῦ, ἐφ’ ὅσον  δέν  ἐμνημονεύθη  ἐν  τοῖς  ἄνω). Τῶν  Ἁγίων  καί  Δικαίων  Θεοπατόρων  Ἰωακείμ  καί  Ἄννης.

(Τῶν  Ἁγίων  τῆς  ἡμέρας). Καί  Πάντων  Σου  τῶν  Ἁγίων.

Ἱκετεύομέν  Σε, Μόνε Πολυέλεε  Κύριε, ἐπάκουσον  ἡμῶν  τῶν  ἁμαρτωλῶν  δεομένων  Σου  καί  ἐλέησον  ἡμᾶς.

Ὁ  χορός: Κύριε  ἐλέησον (12).

       Καί  ἐπισφραγίζει  ὁ  Ἱερεύς  μετά  τῆς  δοξολογικῆς ἐκφωνήσεως:

Ἐλέει  καί  οἰκτιρμοῖς  καί  φιλανθρωπίᾳ  τοῦ  Μονογενοῦς Σου  Υἱοῦ, μεθ’ Οὗ  εὐλογητός  εἶ, σύν  τῷ  Παναγίῳ  καί Ἀγαθῷ  καί  Ζωοποιῷ  Σου  Πνεύματι, νῦν  καί  ἀεί  καί  εἰς  τούς  αἰῶνας  τῶν  αἰώνων.

Ὁ  χορός: Ἀμήν.

Καί  ἀποπληροῦμεν  τάς  λοιπάς ὠδάς  τοῦ  Κανόνος:

Ὠδή ζ’. Ὁ  Εἱρμός. Οἱ  ἐκ  τῆς  Ἰουδαίας.

Ὑπεραγία  Θεοτόκε  σῶσον  ἡμᾶς.

Πατρίδος Ἑλληνίδος μνήσθητι, Θεοτόκε, ὡς Πόλεως Κωνσταντίνου  ποτέ·  Ὑπέρμαχον  γάρ  ταύτης  καί  Στρατηγόν  ἐν  πίστει  Σέ  ἐπιγράφεται  ψάλουσσα· ὁ  τῶν  Πατέρων  ἡμῶν  Θεός  εὐλογητός  εἶ.

Ὑπεραγία  Θεοτόκε  σῶσον  ἡμᾶς.

Ἴασαι  τῆς  ψυχῆς  μου  τόν  πόνον, Παναγία, ἡ   Ὀρθοδόξων  προστάτης  καί  πρόμαχος· Σῆ  γάρ  προσπίπτω, Κόρη, τῇ  Σῇ  ἐπιστασίᾳ  καί  γηθοσύνως  κραυγάζω Σοι· ὁ τῶν  Πατέρων  ἡμῶν  Θεός  εὐλογητός  εἶ.

Δόξα.

Πῦρ  τό  τῆς  ἁμαρτίας, Παρθένε,  τόν  Σόν  δοῦλον καταναλίσκει, πλήν  σπεῦσον  ῥυσθῆναι  με· κατάσβεσον  τήν  φλόγαν, εὐχαῖς  πρός  τόν  Υἱόν  Σου, ἵνα  εὐγνωμόνως  κραυγάγω Σοι· ὁ  τῶν  Πατέρων  ἡμῶν  Θεός  εὐλογητός  εἶ.

Καί  νῦν.

Τιμῶμεν, Θεοτόκε,  Εἰκόνα  Σου  τήν  θείαν  τῆς  Κορυφῆς,  ἀναμέλποντες ὠδαῖς  εὐχαριστίας  καί  ὕμνους  εὐλογίας  καί  τῶ  Κυρίῳ  ἀνακράζωμεν· ὁ  τῶν  Πατέρων  ἡμῶν  Θεός  εὐλογητός  εἶ.

Ὠδή η’. Ὁ  Εἱρμός. Τόν  Βασιλέα  τῶν  οὐρανῶν.

Ὑπεραγία  Θεοτόκε  σῶσον  ἡμᾶς.

Ὠραιοτάτη  ἡ  μορφή  Σῆς  Εἰκόνος, τῆς  Κορυφῆς, εὐσυμπάθητε  Κόρη, πρός  ἧν  τό  γόνυ  ψυχῆς  κλίνωμεν  πάντες.

Ὑπεραγία  Θεοτόκε  σῶσον  ἡμᾶς.

Ἄνασσα  Κόρη, τῆς  Κορυφῆς  Σῇ  Εἰκόνι  προσπεσόντες  οἱ  πιστοί  ἀναβοῶμεν, σπεῦσον,  Παρθένε,  καί  ἀπάλλαξον  ἐν  τάχει.

Δόξα.

Ναῷ  Σου θείῳ  καί  τῇ  Μονῇ  Σου, Παρθένε, χαίρουσα  σπεύδει πληθύς τῶν Ὀρθοδόξων, τυχεῖν συγγνώμης, ἐλέους τε  βοηθείας.

Καί  νῦν.

Τῆς Βασιλείας, Παρθένε, τοῦ Υἱοῦ  Σου  τύχοιμεν  πάντες  Ὀρθόδοξοι  ποθοῦμεν, Σῇ  μεσιτείᾳ, δεήσι τε  βοηθείᾳ.

Ὠδή θ’. Ὁ  Εἱρμός. Κυρίως  Θεοτόκον.

Ὑπεραγία  Θεοτόκε  σῶσον  ἡμᾶς.

Ὠραῖος  κάλει  πάντων  ἀνθρώπων  πέλει, Μῆτερ, ὁ  Σός  Υἱός  πρός  Ὅν  τήν  δέησιν  ἔκχεε· ἵνα  ῥυσθῶμεν  διά  Σοῦ  κολάσεως  τῆς  γεέννης.

Ὑπεραγία  Θεοτόκε  σῶσον  ἡμᾶς.

Νικῆσαι τοῦ  Βελίαρ τάς  μηχανάς, Παρθένε, Σῇ  βοηθείᾳ  ἐλπίζομεν  πάντοτε· πρός  Σόν  Υἱόν  ταῖς  Σαῖς  λιταῖς, δι’ ὧν  βεβαίως  οἱ  πάντες  σωζόμεθα.

Ὑπεραγία  Θεοτόκε  σῶσον  ἡμᾶς.

Ἴασαι  τῆς ψυχῆς  μου  τό  ἄλγος, Θεοτόκε, ὅτι  συνθλίβει  ἐντόνως  τόν  δοῦλον  Σου· καί δώρησαί  μοι  τήν  χαράν, ἵνα  ὑμνῶ  Σε  σεπτή Κορυφιώτισσα.

Δόξα.

Ὄμματι  εὐσπλαχνίας  βλέψον  ἡμῖν  ἐν  τάχει  καί  βοηθείας  χεῖραν  τοῖς δούλοις  Σου  ἔκτεινον· Σέ  γάρ  μητέρα  ἡμῶν  θείαν  κηρύττομεν.

Καί  νῦν.

Σάλον  τόν  τῆς  ψυχῆς  μου  καί  ἄλγος  καί  ὀδύνην,  ταῖς  Σαῖς  πρεσβείαις  κατάστειλον  δέομαι· Σῆ  γάρ  προσφεύγω, ὧ  Μῆτερ  Γονόεσσα.

Καί  εὐθύς, τοῦ  Ἱερέως  θυμιῶντος  τό  Ἱερόν  Θυσιαστήριον  καί  τόν  εὐσεβῆ  λαόν, ψάλλονται  τά  παρόντα  Μεγαλυνάρια:

Ἄξιον  ἐστιν  ὡς  ἀληθῶς, μακαρίζειν  Σε  τήν  Θεοτόκον, τήν  ἀειμακάριστον  καί  παναμώμητον  καί  μητέρα  τοῦ  Θεοῦ  ἡμῶν. Τήν  τιμιωτέραν  τῶν  Χερουβείμ  καί  ἐνδοξοτέραν  ἀσυγκρίτως  τῶν  Σεραφείμ, τήν  ἀδιαφθόρως  Θεόν  Λόγον  τεκοῦσαν, τήν  ὄντως  Θεοτόκον  Σέ  μεγαλύνομεν.

Εἰκόνι  Σου  τῇ  θείᾳ  τῆς  Κορυφῆς προσπίπτωμεν, Κόρη, οἱ  ἐν  θλίψεσι  τῆς  ψυχῆς, αἰτούμενοι  δι’ αὐτῆς  τήν   Σήν γενναῖαν  καί  ἀναγκαῖαν  τοῖς  πᾶσι  ἀντίληψιν.

Ἑλλάδος  ἁπάσης  τήν  ὁδηγόν, Γένους  Ὀρθοδόξων  τήν  Ὑπέρμαχον  Στρατηγόν, τῆς  Κορυφιωτίσσης  τήν  Εἰκόνα  νῦν  τιμῶμεν, ὡς  τῆς  Παρθένου  λαμπρόν  ἀποτύπωμα.

Κατάπαυσον  τόν  τάραχον  τῆς  ψυχῆς  τῶν  δούλων  Σου, Κόρη, Θεοπόθητε  Μαριάμ· καί   δώρησαι  εἰρήνην  Σοῖς  ἱκέταις, ὅπως  μή  παύουν  τοῦ  μεγαλύνειν  Σε.

Βάρος, Παρθένε, ἐν  τῇ  ψυχῇ  καί  ἄλγος  καί  πόνος  ἐπιπολάζει  νῦν   ἐπ’ ἐμέ· Σύ  ἄρον  τόν  ζυγόν  τῆς  ἁμαρτίας, ἧ  ὡς  μεσότοιχον  τοῦ  Υἱοῦ  Σου  χωρίζει  με.

Τό  Μεγαλυνάριον  τοῦ  Ἁγίου  τοῦ  Ναοῦ  ἤ  τοῦ  Ἁγίου  τῆς  ἡμέρας.  Καί  κλείομεν  μετά  τοῦ

Πᾶσαι  τῶν  Ἀγγέλων  αἱ  στρατιαί, Πρόδρομε  Κυρίου, Ἀποστόλων  ἡ  δωδεκάς, οἱ  Ἅγιοι  Πάντες  μετά  τῆς  Θεοτόκου, ποιήσατε  πρεσβείαν  εἰς  τό  σωθῆναι  ἡμᾶς.

Τρισάγιον

Ἅγιος ὁ Θεός, Ἅγιος Ἰσχυρός, Ἅγιος Ἀθάνατος, ἐλέησον ἡμᾶς. (ἐκ γ')

Δόξα... Καὶ νῦν...

Παναγία Τριάς, ἐλέησον ἡμᾶς. Κύριε, ἱλάσθητι ταῖς ἁμαρτίαις ἡμῶν, Δέσποτα, συγχώρησον τὰς ἀνομίας ἡμῖν. Ἅγιε, ἐπίσκεψαι

καὶ ἴασαι τὰς ἀσθενείας ἡμῶν, ἕνεκεν τοῦ ὀνόματός σου.

Κύριε, ἐλέησον, (ἐκ γ')

Δόξα... Καὶ νῦν...

Πάτερ ἡμῶν ὁ ἐν τοῖς οὐρανοῖς, ἁγιασθήτω τὸ ὄνομά σου, ἐλθέτω ἡ βασιλεία σου, γενηθήτω τὸ θέλημά σου, ὡς ἐν οὐρανῷ, καὶ ἐπὶ τῆς γῆς. Τὸν ἄρτον ἡμῶν τόν ἐπιούσιον δὸς ἡμῖν σήμερον, καὶ ἄφες ἡμῖν τὰ ὀφειλήματα ἡμῶν, ὡς καὶ ἡμεῖς ἀφίεμεν τοῖς ὀφειλέταις ἡμῶν, καὶ μὴ εἰσενέγκῃς ἡμᾶς εἰς πειρασμόν, ἀλλὰ ῥῦσαι ἡμᾶς ἀπὸ τοῦ πονηροῦ.

Ὅτι σοῦ ἐστὶν ἡ βασιλεία καὶ ἡ δύναμις καὶ ἡ δόξα του Πατρὸς καί τοῦ Υἱοῦ καί τοῦ Ἁγίου Πνεύματος, νῦν καὶ ἀεὶ καὶ εἰς τοὺς αἰῶνας των αἰώνων.

Τροπάρια  ταῦτα.

Ἦχος  πλ. β΄.

Ἐλέησον  ἡμᾶς, Κύριε,  ἐλέησον  ἡμᾶς, πάσης  γάρ  ἀπολογίας  ἀποροῦντες, ταύτην  Σοι  τήν  ἱκεσίαν, ὡς  Δεσπότῃ, οἱ  ἁμαρτωλοί  προσφέρομεν, ἐλέησον  ἡμᾶς.

Δόξα.

Κύριε  ἐλέησον  ἡμᾶς, ἐπί  Σοί  γάρ  πεποίθαμεν· μή  ὀργισθῆς  ἡμῖν  σφόδρα, μηδέ  μνησθῆς  τῶν  ἀνομιῶν  ἡμῶν· ἀλλ’ ἐπίβλεψον  καί  νῦν  ὡς  εὔσπλαχνος  καί  λύτρωσαι  ἡμᾶς ἐκ  τῶν  ἐχθρῶν  ἡμῶν· Σύ  γάρ  εἶ  Θεός  ἡμῶν  καί  ἡμεῖς  λαός  Σου, πάντες  ἔργα  χειρῶν  Σου  καί  τό  ὄνομά  Σου  ἐπικεκλήμεθα.

Καί  νῦν.

Τῆς  εὐσπλαχνίας  τήν  πύλην  ἄνοιξον  ἡμῖν, εὐλογημένη  Θεοτόκε, ἐλπίζοντες  εἰς  Σέ  μή  ἀστοχήσομεν, ῥυσθείημεν  διά  Σοῦ  τῶν  περιστάσεων· Σύ  γάρ  ἡ  σωτηρία  τοῦ  γένους  τῶν  Χριστιανῶν.

Εἶτα ὁ  Ἱερεύς τήν  Ἐκτενῆ  Δέησιν, ἡμῶν ψαλλόντων  τό  λιτανευτικόν Κύριε  ἐλέησον, τρίς  (3) μεθ’ ἑκάστην  δέησιν, ἐξαιρέσει  τῆς  πέμπτης  δεήσεως, μεθ’ ἧν  ψάλλεται  τοῦτο τεσσαράκοντα (40).

Ἐλέησον  ἡμᾶς  ὁ  Θεός, κατά  τό  μέγα  ἔλεός  Σου, δεόμεθά  Σου, ἐπάκουσον  καί  ἐλέησον.

       Ἔτι  δεόμεθα,  ὑπέρ  τοῦ  Ἀρχιεπισκόπου  ἡμῶν  (δεῖνος)  καί  πάσης  τῆς  ἐν  Χριστῷ  ἡμῶν  ἀδελφότητος.

        Ἔτι  δεόμεθα, ὑπέρ  ἐλέους, ζωῆς, εἰρήνης, ὑγείας, σωτηρίας, ἐπισκέψεως, συγχωρήσεως  καί  ἀφέσεως  τῶν  ἁμαρτιῶν, πάντων  τῶν εὐσεβῶν  καί  Ὀρθοδόξων  Χριστιανῶν.

       Ἔτι  δεόμεθα  καί  ὑπέρ  τῶν  δούλων  τοῦ  Θεοῦ… (καί  μνημονεύονται  τά  ὀνόματα  τῶν  ὑπέρ  ὧν  ἡ  Ἱερά  Παράκλησις  τελεῖται).

       Ἔτι  δεόμεθα, ὑπέρ  τοῦ  διαφυλαχθῆναι  τήν  ἁγίαν  Ἐκκλησίαν  (ἤ  Μονήν)  καί  πόλιν  (ἤ  νῆσον)  ταύτην  καί  πᾶσαν  πόλιν  καί  χώραν, ἀπό  ὀργῆς, λοιμοῦ, λιμοῦ, σεισμοῦ, καταποντισμοῦ, πυρός, μαχαίρας, ἐπιδρομῆς  ἀλλοφύλων, ἐμφυλίου  πολέμου  καί  αἰφνιδίου  θανάτου. Ὑπέρ  τοῦ ἵλεων, εὐμενῆ  καί  εὐδιάλλακτον  γενέσθαι  τόν  Ἀγαθόν  καί  Φιλάνθρωπον  Θεόν  ἡμῶν, τοῦ  ἀποστρέψαι  καί  διασκεδάσαι  πᾶσαν  ὀργήν  καί  νόσον, τήν  καθ’ ἡμῶν  κινουμένην  καί  ῥύσασθαι  ἡμᾶς  ἐκ  τῆς  ἐπικειμένης  δικαίας  Αὐτοῦ  ἀπειλῆς  καί  ἐλεῆσαι  ἡμᾶς.

       Ἔτι  δεόμεθα, ὑπέρ  τοῦ  εἰσακοῦσαι  Κύριον  τόν  Θεόν, φωνῆς  τῆς  δεήσεως  ἡμῶν  τῶν  ἁμαρτωλῶν  καί  ἐλεῆσαι  ἡμᾶς.

       Ἐπάκουσον  ἡμῶν, ὁ  Σωτήρ  ἡμῶν, ἡ  ἐλπίς  πάντων  τῶν  περάτων  τῆς  γῆς  καί  τῶν  ἐν  θαλάσσῃ  μακράν  καί  ἵλεως, ἵλεως  γενοῦ  ἡμῖν, Δέσποτα, ἐπί  ταῖς  ἁμαρτίαις  ἡμῶν  καί  ἐλέησον  ἡμᾶς. Ἐλεήμων  γάρ  καί  Φιλάνθρωπος  Θεός  ὑπάρχεις  καί  Σοί  τήν  δόξαν  ἀναπέμπομεν, τῷ  Πατρί  καί  τῷ  Υἱῶ  καί  τῷ  Ἁγίῳ  Πνεύματι, νῦν  καί  ἀεί  καί  εἰς  τούς  ἀιῶνας  τῶν  αἰώνων.

Ὁ  χορός:

Ἀμήν.

Δόξα σοι ὁ Θεός, ἡ ἐλπὶς ἡμῶν, Κύριε, δόξα Σοι.

Χριστὸς ὁ ἀληθινὸς Θεὸς ἡμῶν ταῖς πρεσβείαις τῆς παναχράντου καὶ παναμώμου ἁγίας Αὐτοῦ μητρός, δυνάμει τοῦ τιμίου καὶ ζωοποιοῦ Σταυροῦ, προστασίαις τῶν τιμίων ἐπουρανίων Δυνάμεων ἀσωμάτων, ἱκεσίαις τοῦ τιμίου, ἐνδόξου, προφήτου Προδρόμου καὶ Βαπτιστοῦ Ἰωάννου, τῶν ἁγίων, ἐνδόξων καὶ πανευφήμων Ἀποστόλων, τῶν ἁγίων ἐνδόξων καὶ καλλινίκων Μαρτύρων, τῶν ὁσίων καὶ θεοφόρων Πατέρων ἡμῶν, (τοῦ Ναοῦ) τῶν ἁγίων καὶ δικαίων θεοπατόρων Ἰωακεὶμ καὶ Ἄννης, (τῆς ἡμέρας) καὶ πάντων τὸν Ἁγίων, ἐλεήσαι καὶ σώσαι ἡμᾶς, ὡς ἀγαθὸς καὶ φιλάνθρωπος καὶ ἐλεήμων Θεός.

Καί  τῶν  Χριστιανῶν  ἀσπαζομένων  τήν  Εἰκόνα   τῆς Παναγίας  καί  χριομένων  δι’ ἁγίου  ἐλαίου, ψάλλονται  τά  παρόντα  Τροπάρια:

Ἦχος β’. Ὅτε  ἐκ  τοῦ  ξύλου.

Πάντας  τούς  προσπίπτοντας  πιστῶς, τῇ  Σῇ  πανυπερτίμῳ  Εἰκόνα, τῆς  Κορυφῆς τῇ  σεπτῇ, ῥύου  πάσης  θλίψεως  καί  περιστάσεως· τῶν  παθῶν  δέ  διάλυσον  τόν  σάλον, Παρθένε, ἅπασι  παρέχουσα  χάριν  σωτήριον· Σύ  γάρ  Ὀρθοδόξων  προστάτης  καί  πιστῶν  ἁπάντων  ἀμύντωρ  πέλεις, οἷα  Μήτηρ  τοῦ  Παντάνακτος.

Ἦχος  πλ. δ’.

Δέσποινα  πρόσδεξαι  τάς  δεήσεις  τῶν  δούλων  Σου  καί  λύτρωσαι  ἡμᾶς  ἀπό  πάσης  ἀνάγκης  καί  θλίψεως.

Ἦχος  β’.

Τήν  πᾶσαν  ἐλπίδα  μου  εἰς  Σέ  ἀνατίθημι, Μήτερ  τοῦ  θεοῦ, φύλαξόν  με  ὑπό  τήν  σκέπην  Σου.

Ὁ  Ἱερεύς.

Δι’ εὐχῶν  τῶν  Ἁγίων  Πατέρων  ἡμῶν, Κύριε  Ἰησοῦ  Χριστέ  ὁ  Θεός, ἐλέησον  καί  σῶσον  ἡμᾶς, Ἀμήν.